Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Álıhan Smaıylov ekonomıkany demonopolızatsııalaý jumysyn jalǵastyrýdy tapsyrdy

2022 jyldyń 17 mamyr 2022 18:34

NUR-SULTAN. QazAqparat - QR Premer-Mınıstri Álıhan Smaıylov Ekonomıkany demonopolızatsııalaý jónindegi komıssııanyń kezekti otyrysyn ótkizdi, dep habarlaıdy Primeminister.kz.

Buǵan deıin jaýapty memlekettik organdarǵa salalyq obektiler men uıymdardy jekeshelendirýdiń negizdiligine, onyń ishinde jeke operatorlardy qurý turǵysynan taldaý júrgizý tapsyrylǵan bolatyn.




Júrgizilgen jumys nátıjesinde birqatar kommýnıkatsııalyq, ınfraqurylymdyq jáne óndiristik kompanııany memlekettik menshikke berý usynyldy.

Búgingi tańda respýblıkalyq menshikke birqatar kásiporyn men mekemeniń aktsııalary men qatysý úlesi qabyldandy.




Atap aıtqanda, «Kólik servısi ortalyǵy» AQ múlkiniń quramynda uzyndyǵy 250 shaqyrym bolatyn 400-den astam kirme temirjol jelileri qabyldandy.

Memlekettik menshikke uzyndyǵy 178 shaqyrym bolatyn 138 kirme temirjolyna ıelik etetin taǵy 25 kompanııany qabyldaý jumystary júrgizilip jatyr.

Atalǵan kompanııalardyń memleket menshigine qabyldanýy temir jol ınfraqurylymy salasynda deldaldardy boldyrmaýǵa jáne osy qyzmetterge bıznes shyǵyndaryn azaıtýǵa múmkindik beredi.




Sondaı-aq komıssııa otyrysynda Jekeshelendirýdiń keshendi josparynan halyqtyń tynys-tirshiligin qamtamasyz etetin (jylýmen, elektrmen, sýmen jabdyqtaý jáne basqa da kommýnaldyq qyzmetter) 205 obektini alyp tastaý máselesi talqylandy.

Sonymen qatar komıssııa JJM naryǵyn, gaz salasyn jáne óńirlik elektr jelilik kompanııalardy demonopolızatsııalaý sharalaryn qarady.




Premer-Mınıstr osy baǵyttarda josparlanǵan is-sharalardy júzege asyrý úshin barlyq qajetti quqyqtyq jáne uıymdastyrýshylyq máselelerdi pysyqtaýdy tapsyrdy.


Joǵary qaraı