Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Álıhan Smaıylov aglomeratsııalardy damytý týraly zań jobasy ne úshin kerektigin túsindirdi

2021 jyldyń 23 qyrkúıek 2021 19:32

NUR-SULTAN. QazAqparat – QR Premer-Mınıstriniń birinshi orynbasary Álıhan Smaıylov aglomeratsııalardy damytý týraly zań jobasy ne úshin kerektigin túsindirdi, dep habarlaıdy QazAqparat tilshisi.

«Búginde damyǵan elderdiń ekonomıkasynda iri qalalardyń, megapolısterdiń orny erekshe. Álemdegi ishki ónimniń jartysy eń 300 iri aglomeratsııaǵa tıesili. Al bul qalalarda jer betindegi halyqtyń 20 paıyzy turady. BUU boljamy boıynsha 2050 jylǵa qaraı halyqtyń úshten ekisi qalalarda turatyn bolady. Basqasha aıtsaq, qaladaǵy halyq sanyn 2,5 mlrd adam tolyqtyrady. Osylaısha, sheshim qabyldaý men ǵylymnyń, tehnologııalardyń ortalyǵy álemdegi 200 memleket emes, 600 iri megapolıs bolady. Halyqaralyq trendterdi eskersek, Qazaqstannyń iri qalalary da jahandyq mańyzdaǵy qalaǵa aına l ýǵa talpynýy kerek. Sondyqtan Memleket basshysy iri qalalardy keshendi damytý týraly tapsyrma berdi», - dedi ol Úkimet úıinde ótken brıfıngide.

Onyń aıtýynsha, atalmysh zań jobasy aglomeratsııaǵa kiretin ákimshilik-aýmaqtyq birlikter arasyndaǵy qatynastardy retteıdi.

«Qalalardyń, aglomeratsııa ortalyqtarynyń ókileti keńeıtiledi. Aglomeratsııalardy damytý máselesi – qala men oblys arasyndaǵy bıýdjetaralyq qatynastar máselesi, qarjy naryqtarynyń ózere áreket máselesi, qala qurylysy, sáýlet, jer qatynastary máselesi, ekologııa jáne transport máselesi. Osy máselelerdiń bári aglomeratsııalardy damytý týraly zań jobasynda kórinis tabady. Ony daıyndaýǵa otandyq ta, sheteldik te sarapshylar, birinshi kezekte Dúnıejúzilik bank sarapshylary tartylyp otyr», - dedi Álıhan Smaıylov.


Avtor Esimjan Naqtybaı
Basty sózder: Zań, QR Úkimeti,
Joǵary qaraı