Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Alǵys aıtý kúni: Atyraý oblysynyń dárigerleri chellendj uıymdastyrdy

2021 jyldyń 2 naýryz 2021 07:36

ATYRAÝ. QazAqparat – Atyraý oblysynyń dárigerleri Alǵys aıtý kúnine oraı chellendj uıymdastyrdy, dep habarlaıdy QazAqparat.

Oblystyq densaýlyq saqtaý basqarmasynyń málimetinshe, «Týǵan elge myń alǵys!» chellendji bir apta buryn bastalǵan. Chellendjge óńirdegi 35 medıtsınalyq mekemeniń qyzmetkerleri qatysqan. Aq halatty jandar jumys isteıtin ujymdar bir apta boıy bir-birine vıdeo-estafeta joldap, týǵan elge, qazaqstandyqtarǵa, sondaı-aq, áriptesterine alǵysyn bildirdi.

El Táýelsizdiginiń 30 jyldyǵy men Alǵys aıtý kúni aıasynda ótip, jatqan chellendj búgin, 1 naýryzda aıaqtalady.

«Alǵys aıtyp, rızashylyǵyn bildirý – burynnan bar úrdis. Bul kúni ásirese, pandemııa kezinde janqııarlyqpen óz mindetin abyroımen atqaryp, jaqyndarymyz ben týystarymyzdyń ómirin qutqaryp qalǵan áriptesterime úlken alǵysymdy bildirgim keledi», - dedi Atyraý oblystyq densaýlyq saqtaý basqarmasynyń basshysy Ashan Baıdýálıev.

Eske sala ketelik, budan buryn Atyraýda Alǵys aıtý kúni qarsańynda 33 medıtsına qyzmetkeri marapattalǵanyn habarlaǵan edik.


Joǵary qaraı