Aýa raıy
Astana -19 °S
Almaty -13 °S
valıýta baǵamy
USD 421.58
EUR 496.83
RUB 5.53
CNY 62.20

Áleýmettik jobalar akseleratorynyń alǵashqy jyly qorytyndylandy

2020 jyldyń 25 qarasha 2020 16:15

NUR-SULTAN. QazAqparat - Nur-Sultan qalasynda Respýblıkalyq Azamattyq forým aıasynda «Ózgeristiń sarýarlary» jobasynyń alǵashqy jylynyń qorytyndy konferentsııasy ótti, dep habarlaıdy QazAqparat.

«Rýhanı jańǵyrý» qazaqstandyq qoǵamdyq damý ınstıtýtynyń uıymdastyrýymen ótken konferentsııada bıylǵy úzdik jobalardyń ári qaraı damý múmkindigi, jańa jobalardyń qosylý yqtımaldylyǵy jáne akselerator aıasyn keńeıtý máseleleri talqylandy.

Jańa ashylǵan bastamanyń nemese kásiptiń tez aıaqqa turyp, jyldam damyp ketýi úshin ne kerek jáne qansha ýaqyt qajet? Qandaı da bir jobany qolǵa alǵan árbir adamnyń birinshi ýaıymy osy shyǵar. Osy oraıda bıyl «Rýhanı jańǵyrý» qazaqstandyq qoǵamdyq damý ınstıtýtynyń bastamasymen «Ózgeristiń sarýarlary» baǵdarlamasy júzege asqan. Onyń maqsaty – jańa ashylǵan, biraq qoǵamǵa bereri mol áleýmettik kásiptik jobalardy jyldam damytyp, respýblıkalyq, qala berdi halyqaralyq deńgeıge shyǵarý. Bastamaǵa qyzyqqandar kóp boldy. Áý basta elordanyń ózinen 120 jobadan ótinish tústi. Bári birdeı qabyldanǵan joq. Іriktelgen 46-sy úsh aılyq akseleratsııadan ótip, sonyń 39-y arnaıy sertıfıkattarǵa ıe boldy. Solardyń ishinde tek 20-y ǵana baǵdarlama jetekshileriniń sheshimimen respýblıkalyq kólemde aýqymyn keńeıtýge múmkindik alyp, akseleratsııanyń tolyq baǵdarlamasynan ótti.

Búgin osyǵan baılanysty ótken qorytyndy konferentsııada «Rýhanı jańǵyrý» qazaqstandyq qoǵamdyq damý ınstıtýtynyń Basqarma tóraǵasy Danııar Esın «Ózgeristiń sarýarlary» baǵdarlamasynyń aıasynda Áleýmettik jobalar akseleratory qolǵa alynǵanyn aıtyp, maqsat iriktelgen 20 jobadan ózge bastamalarǵa úlgi bolatyndaı jáne ózgeristiń elshisine aınalatyndaı kóshbasshy jasaqty jasap shyǵarý bolǵandyǵyn atap ótti.

«Akseleratsııanyń nátıjesinde biz kózqarastary aıshyqtalǵan, ózgeristiń elshisi bolyp, «Rýhanı jańǵyrý» baǵdarlamasynyń ustanymdaryn qoǵamǵa sapaly jáne mazmundy túrde jetkize alatyn tyń jobalardyń jasaǵyn qurdyq. Bul 20 áleýmettik joba aldaǵy ýaqytta baǵdarlamanyń basty ustanymdaryn ári qaraı jalǵastyrý arqyly, ár óńirde Kóshbasshy jobalardy sońynan ertip, jumystarynyń aýqymyn úzdiksiz arttyryp otyrady», - dedi Danır Esın.

Óz kezeginde Akseleratsııa baǵdarlamasyna tolyq toqtalyp ótken «Ózgeristiń sarýarlary» jobasynyń sarapshysy Zarına Bııýmbaeva iriktelgen jobalar úshin «Rýhanı jańǵyrý» ınstıtýtynyń mańyzdylyǵyn atap ótti.

«Bıyl jahandyq pandemııaǵa baılanysty kúlli álem qıyn-qystaý kezeńdi bastan keshirip otyr. Mundaı kezde qandaı bastama bolmasyn, barlyǵy da qoldaýǵa muqtaj. Osy oraıda «Rýhanı jańǵyrý» qazaqstandyq qoǵamdyq damý ınstıtýty kóregendik tanytyp, der kezinde «Ózgerister sarýarlary» baǵdarlamasyn qolǵa aldy. Óıtkeni, shyny kerek, kóptegen qoǵamdyq mańyzy zor jobalar qansha jerden áleýetti bolǵanymen qoldaýdyń joqtyǵynan joıylyp ketýi de múmkin edi. «Ózgerister sarýarlary» bul jobalarǵa jańa serpin berip, ekinshi tynysyn ashty. ıAǵnı, bir-birimen ózara kollaboratsııa jasasýdyń nátıjesinde, sondaı-aq, «Rýhanı jańǵyrý» ınstıtýty usynǵan oqytý ádistemeleri nátıjesinde jobalar ózderiniń strategııalyq josparlaryn qaıta qarastyryp, jańa kózqaraspen alǵa qaraı basty. Endi olar ózge óńirlerge masshtabtalýǵa daıyn. Endi akseleratsııanyń tolyq baǵdarlamasynan ótken bul jobalar ózge óńirlerge masshtabtalýǵa daıyn. Ol úshin aldaǵy ýaqytta da «Ózgeristiń sarýarlary» aıasynda qoldanylǵan ádistemeler boıynsha óz jumystaryn jalǵastyrýlary tıis, - dedi Zarına Bııýmbaeva.

Al «Ózgeristiń sarýarlary» jobasynyń qatysýshysy, «Ózge Epic» shyǵarmashylyq stýdııasynyń jetekshisi Maqpal Jumabaıdyń pikirinshe, buǵan deıin qazaq mádenıeti men tarıhyna kózqaras bir jaqty ǵana bolǵan. Alaıda «Ózgeristiń sarýarlary» baǵdarlamasynyń ishinde el bolmysy men ótkenin múldem basqasha kórsetetin jobalar da bar.

«Іriktelgen 20 joba ózara kollaboratsııaǵa túsip, kúsh biriktirýimizdiń arqasynda sońymyzdan ergen júzdegen jańa jobalarǵa durys jol kórsettik dep oılaımyn. Tipti, áleýmettik-qoǵamdyq mańyzy zor sharýalardy atqaryp, ár joba úshin jańa baǵyt, jańa forma oılap taptyq. Sonyń nátıjesinde mádenıet baǵytyndaǵy jobalar ózderiniń strategııalyq josparlaryna onlaın múmkindikterdi qosty. Biz ózimizdiń damý strategııamyzdy zamanaýı jolǵa qoıyp, aldaǵy 5-10 jyldyq mejelerdi anyqtadyq. Munyń barlyǵy azamattyq qoǵam men memlekettik ózara baılanysy arqasynda júzege asyp jatqany qýantady. Óıtkeni, buryn biz Memlekettiń jasap jatqan jumystaryna kórermen retinde ǵana qatysyp, kóp jaǵdaıda synshynyń rólin atqarsaq, «Ózgeristiń sarýarlaryna» qatysýdyń nátıjesinde biz zań jasaýshy, qurylymdardy ózgertýshi retinde de azamattyq kózqarasymyzdy bildirip, tikeleı baılanysqa túsýge múmkindik aldyq. Jalpy, akseleratsııanyń tolyq baǵdarlamasynan ótken 20 jobanyń barlyǵy óz múmkindikterin kórsetti. Endigi kezekte Memleketpen seriktestik júrgize otyryp, óz jumystaryn jalǵastyrsa, onda úlken nátıje bolady dep oılaımyn, - dep oıyn qorytyndylady Maqpal Jumabaı.

Aıta keteıik, qazirgi ýaqytta áleýmettik jobalardy qoldaý maqsatynda Social Lift platformasy ázirlenýde. Bul platformaǵa kez kelgen adam kirip, tipti, sol salanyń mamany bolmasa da, ózderine unaǵan jobalarǵa qatysýshy retinde qoldaý bildire alady. Social Lift platformasy geımıfıkatsııa túrinde jasalyp, qatysýshylardyń belsendilikterine qaraı motıvatsııalyq júıe boıynsha jumys jasaıdy. Sondaı-aq, munda akseleratsııadan ótken jobalar toby jasaqtalyp, árdaıym bir-birimen baılanys ornatyp turýǵa múmkindik jasalady.





Joǵary qaraı