Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Áleýmettik jelilerde jalǵan valıýta satylyp jatyr - Stopfake

2021 jyldyń 21 qańtar 2021 09:00

NUR-SULTAN. QazAqparat - Instagram áleýmettik jelisinde jalǵan dollar, rýbl, eýro jáne grıvna usynatyn akkaýnttar tabyldy, dep habarlaıdy QazAqparat stopfake.kz saıtyna silteme jasap.

Jalǵan aqsha jasaýshylardyń aıtýynsha, bul jalǵan aqshany naǵyz kýpıýradan aıyrý múmkin emes. Olardy termınaldar men bankomattar qabyldaıdy.

Jalǵan aqshany satý jarnamasy basqa platformalarda da kezdesedi. Jalǵan aqsha jasaýshylar óz qyzmetterin negizinen Reseı men Ýkraınada usynady.

Jalǵan kýpıýralar «bir jerge qoıý» ádisimen satylady – olardy belgili bir jerde jasyrady jáne satyp alýshyǵa belgilengen jerdiń kartasyn jiberedi. Keıbir jaǵdaılarda «aqshany» poshtamen jiberedi.

«Nastoıaee vremıa» basylymynyń jýrnalısteri Instagram-daǵy paraqshasynda mundaı satý shemasy is júzinde qalaı júzege asyrylatynyn tekserip kórgen. Alaıda, tilshi jalǵan aqsha jasaýshylarǵa aqsha men aýdarymdy rastaıtyn chekti jibergennen keıin, satýshy yqtımal satyp alýshyny buǵattap, búkil jazbany óshirip tastady.

Qazaqstanda QR QK 231-babyna sáıkes, jalǵan aqsha nemese baǵaly qaǵazdar daıyndaý, saqtaý, aýystyrý nemese ótkizý úshin bes jyldan on eki jylǵa deıingi merzimge bas bostandyǵynan aıyrý jazasy qarastyrylǵan.

Eger áleýmettik jelilerden osyndaı jarnamany kórseńiz, siltemeler boıynsha ótpeńiz jáne avtorlarmen baılanysqa shyqpańyz.


Joǵary qaraı