Aýa raıy
Astana -2 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Áleýmettik jeliden alynǵan aqparattar tolyqqandy bilim negizin quraı almaıdy - Nurtóre Júsip

2020 jyldyń 17 qyrkúıek 2020 13:11

NUR-SULTAN. QazAqparat - Kitap oqý men ony damytýdyń ulttyq baǵdarlamasy kerek. Bul týraly Parlament Senatynyń jalpy otyrysynda depýtat Nurtóre Júsip málim etti, dep habarlaıdy QazAqparat tilshisi.

«Qazir jurt kitap oqýdan qalyp bara jatyr. Kitap oqymaǵan adam qalaı bilimdi bolady? Kitap oqymaıtyn qoǵam qalaı rýhanı kemeldenbek? Kezinde danyshpandar adamnyń rýhanı kemeldenýine kitap oqýdyń qandaı paıdasy bar ekenin aıtyp ketken. Qazir tek Qazaqstanda ǵana emes, búkil álemde osy kitap oqý úrdisi daǵdarysqa tap boldy», - dep toqtaldy senator Úkimet basshysy Asqar Mamınniń atyna joldaǵan depýtattyq saýalynda.

Osy oraıda N. Júsip ulttyń zııatkerlik áleýetin arttyrý, básekelestik qabiletin kúsheıtý, áleýmettik jáne shyǵarmashylyq belsendiligin arttyrý isinde kitap oqý óte mańyzdy ekenin atap ótti.

«Internet, Facebook, Instragram, telearna, radıo arqyly alynǵan aqparattar tolyqqandy bilim negizin quraı almaıdy. Sol sebepten de álemniń kóptegen elinde kitap oqý isine memlekettik ári qoǵamdyq qoldaý kórsetilip jatyr. Osy baǵytta ulttyq baǵdarlamalar qabyldanyp, otbasylyq jáne balalar oqýyna aıryqsha kóńil bólinip otyr. Mundaı baǵdarlama bizde nege joq? Osyǵan oraı Qazaqstanda ákimshilik qurylymdar men kitaphana qyzmetine, mádenı-aǵartý mekemeleri men qoǵamdyq uıymdarǵa baǵyttalǵan ulttyq baǵdarlama qabyldaý kerek dep esepteımiz», - dedi Nurtóre Júsip.

Onda áleýmettik mańyzy bar kitaptardy sapalyq turǵyda jaqsartý, kitap saýdasynyń progressıvti formalaryn engizý, kitap oqýǵa yntalandyrý úshin grant konkýrstyq júıe engizý, bilim berý qurylymdarynyń áleýmettik áriptestigin damytý, azamattardyń ǵylymı-áleýmettik, tehnıkalyq, shyǵarmashylyq qabiletterin damytý, kitaphanalar qoryn qaǵaz jáne elektrondy basylymdarmen tolyqtyrý, túrli ádebı konkýrstar men baıqaýlar ótkizý, sondaı-aq kitap basý men kitap saýdasy mamandaryn daıarlaý, ulttyń zııatkerlik jáne adamı áleýetin arttyrý sharalaryn qarastyrý usynyldy.


Avtor Rýslan Ǵabbasov
Basty sózder: Bilim, Qoǵam, Parlament, Senat,
Joǵary qaraı