Aýa raıy
Astana 18 °S
Almaty 17 °S
valıýta baǵamy
USD 412.55
EUR 468.66
RUB 5.79
CNY 58.80

Áleýmettik jelide taraǵan vıdeodan keıin Almatyda eki túngi klýb jabyldy

2020 jyldyń 7 shilde 2020 01:00

ALMATY. QazAqparat - Almatyda túngi klýbtardan karantın rejımin buzý faktileri anyqtaldy. Kóńil kóteretin orynǵa jınalǵan kópshiliktiń vıdeosy men fotolary áleýmettik jelide tarady, dep habarlaıdy QazAqparat.

Medeý aýdanynyń ákimdigi qalada karantın rejımi kúsheıtilgenin eske salady.

«Aýdannyń mobıldi toby sanıtarlyq normalardy buzý faktilerin anyqtaý úshin udaıy reıd uıymdastyryp otyr. Bul reıd barysynda Almaty qalasy bas memlekettik sanıtar dárigeriniń qaýlysynda kórsetilgen talaptardy buzǵan birqatar nysandar áshkere boldy» dep málim etti aýdan ákimdiginen.

4 shilde kúni Medeý aýdanynda ornalasqan «Bla bla bar» jáne «Echo» sekildi uıymdardan osyndaı faktiler anyqtalǵan.

«Bul nysandar sanıtarlyq normalardy saqtamaı, kelýshi qonaqtarǵa qaýip tóndirgen. Munda kelip, kóńil kóterýshi halyqta esep joq. Osyǵan baılanysty aýdan ákimdigi mamandary, taýarlar men qyzmetterdiń sapasy men qaýipsizdigin baqylaý basqarmasynyń qyzmetkerlerinen jáne jergilikti polıtseılerden quralǵan mobıldi top atalǵan mekemelerdi tekserip shyqty. Sondaı-aq nysan basqarýshysymen áńgime júrgizip, karantın kezinde saqtalýy tıis sanıtarlyq normalardy túsindirdi» dep málim etti ákimdik.

Reıd nátıjesi boıynsha bul túngi klýbtar 5-19 shilde aralyǵyndaǵy shekteý sharalary aıaqtalǵansha jumysyn toqtatty.

«Osyǵan baılanysty aýdandaǵy búkil kásipkerler men turǵyndardy ózińizdiń jáne aınalańyzdaǵy jandardyń qaýipsizdigi úshin sanıtarlyq normalardy saqtaýǵa shaqyramyz» dep tolyqtyrdy vedomstvodan.



Joǵary qaraı