Aýa raıy
Astana -12 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Áleýmettik tólemdi rásimdeýdi usynatyn alaıaqtar paıda boldy

2020 jyldyń 22 qazan 2020 09:25

NUR-SULTAN. QazAqparat - Áleýmettik jeli paıdalanýshylary telefon arqyly 42 500 teńge mólsherinde áleýmettik tólemdi resimdeýdi usynatyn alaıaqtar týraly jazýda, dep habarlaıdy QazAqparat Stopfake.kz saıtyna silteme jasap.

Olar ózderin Jumyspen qamtý ortalyǵynyń qyzmetkerleri retinde tanystyryp, azamattardan tólem alýshylardyń tizimine qosý úshin elektrondyq tsıfrlyq qoltańbanyń parolin suraıdy.

QR Eńbek jáne halyqty áleýmettik qorǵaý mınıstrligi qazirgi ýaqytta 42 500 teńge mólsherindegi áleýmettik tólemniń tólenip jatqandyǵy týraly aqparatty resmı túrde joqqa shyǵardy.

– Memlekettik áleýmettik saqtandyrý qorynan tólenetin eń tómengi eńbekaqy mólsherindegi birjolǵy tólem – 42 500 teńge 2020 jylǵy 16 naýryz ben 11 mamyr aralyǵynda tótenshe jaǵdaı kezinde tólendi. Sondaı-aq 2020 jylǵy 5 shilde-17 tamyz aralyǵynda karantındik shekteý sharalary kezinde berildi. Tótenshe jaǵdaı rejımi kezinde bul áleýmettik tólem 322 mlrd teńge somasyna 4,6 mln adamǵa, al karantındik shekteý sharalary kezinde 153,2 mlrd teńge somasyna 2,4 mln adamǵa taǵaıyndaldy. Karantındik shekteý sharalaryn qoldaný kezeńine MÁSQ-dan tólenetin áleýmettik tólem taǵaıyndaýǵa ótinishter 2020 jylǵy 1 jeltoqsanǵa deıin shaǵymdaný quqyǵymen ústimizdegi jyldyń 1 qyrkúıegine deıin qabyldandy, – dep habarlady mınıstrliktiń baspasóz hatshysy Aleksandr Kononets.

Aıta keteıik, áleýmettik tólemderdi esepteý kezinde adamdar óz betinshe ótinish bergen nemese ótinimderdi proaktıvti túrde alǵan.

Alaıaqtar azamattyń elektrondyq-tsıfrlyq qoltańbasyna qoljetkizgen soń onyń derbes málimetterin, múlki týraly jáne t.b. aqparatty ońaı bile alady. ETsQ nomerin eshkimge aıtýǵa bolmaıdy.


Basty sózder: Oqıǵa, Qoǵam,
Joǵary qaraı