Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Áleýmettik saqtandyrý qorynan tólenetin tólem ósti

2022 jyldyń 13 mamyr 2022 10:36

NUR-SULTAN. QazAqparat – Memlekettik áleýmettik saqtandyrý qorynan tólenetin tólem mólsheri 9% - ǵa artty. Bul týraly QazAqparat Eńbek mınıstrligine silteme jasap habarlaıdy.

2022 jylǵy 1 qańtardan bastap eńbek etý qabiletinen aıyrylý jáne asyraýshysynan aıyrylý boıynsha áleýmettik tólemder mólsheri 5% - ǵa, 2022 jylǵy 1 sáýirden bastap qosymsha 4% - ǵa ósti. Tólemderdiń jıyntyq mólsheri ótken jyldyń deńgeıimen salystyrǵanda 9% - ǵa artty.

MÁSQ-nan tólenetin tólemderdi áleýmettik saqtandyrý júıesiniń jumys isteıtin qatysýshylary bazalyq memlekettik áleýmettik járdemaqylarǵa qosymsha alady.

Máselen MÁSQ-nan eńbek etý qabiletinen aıyrylý boıynsha áleýmettik tólemderdi 81,6 myń adam alady. Eger múgedektigi boıynsha bıýdjetten tólenetin járdemaqylardyń ortasha mólsheri 54 608 teńge bolsa, onda MÁSQ tólemderin eskere otyryp, azamattar barlyǵy 84 353 teńge alady.

MÁSQ-nan asyraýshysynan aıyrylý boıynsha áleýmettik tólemderdi 54,2 myń adam alady. Eger asyraýshysynan aıyrylý boıynsha bıýdjetten tólenetin járdemaqylardyń ortasha mólsheri 45 627 teńge bolsa, onda MÁSQ tólemderin eskere otyryp, azamattar barlyǵy 76 443 teńge alady.

Osylaısha, jumys isteıtin azamattarǵa tólenetin tólemderdiń ortasha mólsheri áleýmettik saqtandyrý júıesine qatyspaıtyn alýshylarǵa tólenetin tólemderge qaraǵanda shamamen 30 myń teńge joǵary.

MÁSQ-nan joǵary mólsherdegi áleýmettik tólemder sáýir jáne mamyr aılaryndaǵy qosymsha aqyny eskere otyryp, osy jyldyń maýsym aıynda aýdarylady.


Joǵary qaraı