Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Áleýmettik kodeks tujyrymdamasynyń jobasy ázirlenip jatyr

2021 jyldyń 24 aqpan 2021 12:07

NUR-SULTAN. QazAqparat – Elimizde Áleýmettik kodeks tujyrymdamasynyń jobasy ázirlenip jatyr. Bul týraly Májilis depýtattarynyń saýalyna QR Premer-Mınıstri Asqar Mamınniń jaýabynda aıtylǵan, dep habarlaıdy QazAqparat tilshisi.

«2015 jyly Qazaqstan BUU-ǵa múshe eldermen birge «Bizdiń álemdi ózgertý: 2030 jylǵa deıingi ornyqty damý maqsattaryndaǵy kún tártibi» atty jańa kún tártibin qabyldady. Atalǵan aýqymdy is-qımyl jospary azamattardyń ál-aýqatyn qamtamasyz etýge baǵyttalǵan. 2030 jylǵa deıin eseptelgen 17 Ornyqty damý maqsaty men 244 ındıkator ekonomıkalyq, áleýmettik jáne ekologııalyq ál-aýqattyń tepe-teńdigin qamtamasyz etedi», - dedi Úkimet basshysy.

Asqar Mamınniń atap ótýinshe, qazirgi ýaqytta Úkimet janynda Ornyqty damý maqsattary jónindegi úılestirý keńesi jumys isteıdi. Onyń basty mindeti - Qazaqstan Respýblıkasynda ornyqty damý maqsattaryn alǵa jyljytý boıynsha usynystar ázirleý. Ornyqty damý maqsattary qol jetkizý jónindegi is-sharalar keshenin ázirleý jáne júzege asyrýdy qamtamasyz etý úshin 5 vedomstvoaralyq jumys toby quryldy jáne qyzmet atqarady.

«Búgingi kúni Ornyqty damý maqsattarynyń sapaly jetistigin qamtamasyz etý úshin jáne olardy memlekettik josparlaý júıesiniń qujattaryna engizý boıynsha jumystar júrgizilýde. Sonymen birge qazirgi ýaqytta Áleýmettik kodeks tujyrymdamasynyń jobasy ázirlenýde, onyń sheńberinde halyqty áleýmettik qamtamasyz etý júıesin jetildirý boıynsha is-sharalar kesheni qarastyrylatyn bolady», - dedi QR Premer-Mınıstri.


Joǵary qaraı