Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Álemniń 38 elindegi 44 mıllıon adam ashtyq aldynda tur – BUU

2022 jyldyń 19 mamyr 2022 09:55

NUR-SULTAN. QazAqparat - BUU málimeti boıynsha álemniń 38 elindegi 44 mıllıon adam ashtyq aldynda tur, al 811 mıllıonnan astam adamǵa tamaq jetpeıdi.

Bul týraly BUU shtab-páterinde ótken «Jahandyq azyq-túlik qaýipsizdigi: is-qımylǵa shaqyrý» mınıstrlik konferentsııasynda málim boldy, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, atalǵan konferentsııa azyq-túlik tapshylyǵyna neǵurlym beıim elderdiń keń tobyn jáne jahandyq azyq-túlik qaýipsizdigin qamtamasyz etýde mańyzdy ról atqaratyn memleketterdi biriktirdi.

«BUU málimeti boıynsha álemniń 38 elindegi 44 mıllıon adam ashtyq aldynda tur jáne 811 mıllıonnan astam adamǵa tamaq jetpeıdi»,- delingen habarlamada.




Іs-sharaǵa BUU Bas hatshysy Antonıý Gýterrısh, AQSh Memlekettik hatshysy Entonı Blınken, Germanııa, Italııa, Pákistan, Rýmynııa, Túrkııa Syrtqy ister mınıstrleri jáne BUU-ǵa múshe 30 eldiń ókilderi, sondaı-aq Azyq-túlik jáne aýylsharýashylyq uıymy men Dúnıejúzilik azyq-túlik baǵdarlamasy halyqaralyq uıymdar basshylary, sondaı-aq Qazaqstan Premer-Mınıstriniń orynbasary - Syrtqy ister mınıstri Muhtar Tileýberdi bastaǵan qazaqstandyq delegatsııa qatysty.

M.Tileýberdi sózinde Qazaqstan álemdik naryqqa aýyl sharýashylyǵy ónimderin jetkizýdi odan ári keńeıtýge, sondaı-aq Aýǵanstan aýmaǵyna halyqaralyq gýmanıtarlyq kómekti jetkizýdiń senimdi joldaryn qamtamasyz etýge jan-jaqty járdem kórsetýge daıyn ekenin málimdedi.




Dúnıejúzilik azyq-túlik baǵdarlamasy Qazaqstannan Aýǵanstanǵa ótken jyldyń qazan aıynda aýǵan halqy úshin 20 myń tonna un satyp aldy.

«Osyǵan baılanysty biz osy máselede barlyq múddeli jáne halyqaralyq qurylymdardyń, sonyń ishinde Qazaqstanda ornalasqan Azyq-túlik qaýipsizdigi ıslam uıymynyń qoldaýyna jáne qatysýyna úmit artamyz», - dep málimdedi mınıstr.

Sonymen qatar, QR delegatsııasynyń basshysy seriktes memleketterdi muqtaj elder úshin aýyl sharýashylyǵy sektoryndaǵy eńbek ónimdiligin arttyrýdyń tıimdi tetikterin qurý boıynsha halyqaralyq qarjylyq qoldaýdy kúsheıtýge shaqyrdy.




Sol kúni QR syrtqy saıası vedomstvosynyń basshysy BUU Bas hatshysy Antonıý Gýterrıshpen ekijaqty kezdesý ótkizdi.

Taraptar Qazaqstan men BUU arasyndaǵy tyǵyz yntymaqtastyqtyń serpini men perspektıvalaryn talqylady.

Mınıstr Jańa Qazaqstandy qurý boıynsha QR Prezıdenti Qasym-Jomart Toqaevtyń júrgizip jatqan reformalary jáne QR Konstıtýtsııasyna túzetýler engizý boıynsha aldaǵy referendým týraly egjeı-tegjeıli aqparat berdi.

Sondaı-aq, BUU Bas hatshysyna Memleket basshysy atynan bıylǵy jyldyń 14-15 qyrkúıeginde Nur-Sultan qalasynda ótetin Álemdik jáne dástúrli dinder lıderleriniń VII sezine shaqyrý tapsyryldy.








Joǵary qaraı