Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Álemdik jáne dástúrli dinder kóshbasshylarynyń VII sezi 2022 jyly ótedi

2021 jyldyń 6 qazan 2021 17:39

NUR-SULTAN. QazAqparat - Álemdik jáne dástúrli dinder kóshbasshylarynyń VII sezi 2022 jyldyń qyrkúıek aıynda ótedi, dep habarlaıdy QazAqparat tilshisi.

Elordada ótken Álemdik jáne dástúrli dinder kóshbasshylary sezi hatshylyǵynyń HІH otyrysynyń qorytyndysynda VII sezd ótetin oryn men merzimi belgilendi. Atap aıtqanda, Álemdik jáne dástúrli dinder lıderleriniń VII sezi 2022 jylǵy 14-15 qyrkúıek kúnderi Nur-Sultan qalasynda ótedi. Atalǵan forýmda pandemııadan keıingi kezeńde adamzattyń áleýmettik-rýhanı damýyndaǵy álemdik jáne dástúrli dinder lıderleriniń róli keńinen talqylanbaq.

Otyrys sońynda QR Parlamenti Senatynyń tóraǵasy – Álemdik jáne dástúrli dinder kóshbasshylary sezi hatshylyǵynyń basshysy Máýlen Áshimbaev búgingi kezdesý túrli mádenıetter men din ókilderiniń yntymaqtastyqta jáne beıbitshilikte ómir súrýge degen ortaq umtylysyn kezekti ret pash etkenin atap ótti. Sondaı-aq hatshylyq basshysy Álemdik jáne dástúrli dinder kóshbasshylary seziniń dástúrge aınalǵan osy umtylysy forýmnyń ári qaraı da tabysty jumys isteýine negiz bolaryna senim bildirdi.

Sezd hatshylyǵynyń otyrysyna 20 elden kelgen álemdik dinder men konfessııalardyń jáne halyqaralyq uıymdardyń ókilderi qatysty. Din lıderleri óz sózderinde Qazaqstan óz ishinde ǵana emes, halyqaralyq deńgeıde de dinaralyq jáne konfessııaaralyq dıalog ornatýǵa basa mán berip, osy baǵytta mańyzdy jumys atqaryp kele jatqanyn aıryqsha atap ótti.


Avtor Marlan Jıembaı
Basty sózder: Din, Dinder sezderi,
Joǵary qaraı