Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Álemdegi epıdahýal: Qazaqstan koronavırýs juqtyrýshylar sany boıynsha álemdik reıtıngide 110-orynda

2021 jyldyń 16 sáýir 2021 10:18

NUR-SULTAN. QazAqparat – Qazaqstan koronavırýs juqtyrýshylar sany boıynsha álemdik reıtıngide 110-orynda, dep habarlaıdy QazAqparat.

Álemde koronavırýs juqtyrý boıynsha jaǵdaı áli de alańdatarlyq. AQSh-ta bir táýlikte 76 myń jańa jaǵdaı tirkeldi. Túrkııa (62 myń jańa jaǵdaı), Frantsııa (43 myń), Germanııa (32 myń), Polsha (21 myń) sııaqty Eýropa elderinde koronavırýs ınfektsııasynyń ósimi baıqalady. Kóptegen el úkimetteri shekteý sharalaryn kúsheıtý boıynsha sharalar qabyldaýda.

Túrkııa Respýblıkasynda koronavırýs juqtyrýshylar sanynyń ósýine baılanysty bizdiń elde Memlekettik shekarada sanıtarlyq-karantındik baqylaý kúsheıtildi, Túrkııamen halyqaralyq reıster qysqartyldy.

Búgingi kúnde www.worldometers derekteri boıynsha álemde 139 mln-nan astam COVID-19 juqtyrý jaǵdaıy tirkelgen, aýrý ósimi – 0,6. Kóz jumǵandar sany – 2 984 721 adam, ólim kórsetkishi– 2,1%.

1 mıllıon adamǵa qaıta eseptegende eń nashar jaǵdaı Chehııada, onda kórsetkish 148,269, AQSh-ta - 96,682, Frantsııada - 78,759, Túrkııada - 47,331, Germanııada - 36483 boldy.

Pandemııa bastalǵaly Qazaqstan Respýblıkasy bul reıtıngide 1 mıllıon turǵynǵa shaqqanda 14,565 ındıkatorymen 110-oryndy ıelendi, COVID-19-dan qaıtys bolǵandar sany boıynsha Qazaqstan álemde 107 orynda, koronavırýs ınfektsııasynan saýyǵyp shyqqandar úlesi 98,4%-dy quraıdy. Halyqty KVI testilermen qamtý boıynsha Qazaqstan álemdik reıtıngide 71-shi orynda.

Epıdemıologııalyq jaǵdaıdy turaqtandyrý úshin Qazaqstan Úkimeti shekteý sharalarynyń keshenin júzege asyrýda, sondaı-aq halyqty COVID-19-ǵa qarsy jappaı vaktsınalaýdy júrgizýde. Búgingi tańda 560 myńnan astam azamat egildi, kún saıyn 70 myńnan astam adam vaktsınalanady.

1 aqpannan bastap aımaqtarǵa «Spýtnık V» vaktsınasynyń 922 myń dozasy jetkizildi. Óńirlerde vaktsınalardyń 417 myń dozasy bar. Sáýir aıynda barlyǵy 2 mıllıonnan astam adamdy vaktsınalaý josparlanǵan, ıaǵnı tıisti kontıngenttiń 23,4% -yn quraıdy. Óndirýshilermen júrgizilgen kelissózderdi eskere otyryp, Qazaqstanda birinshi jartyjyldyqta 6 mıllıonnan astam vaktsına dozasyn qabyldaý josparlanyp otyr, bul tıisti kontıngenttiń 64%-yn qamtýǵa múmkindik beredi».

Búgingi kúnde respýblıka boıynsha KVI-ǵa qarsy ımmýndaý naýqanyna 1281 egý kabıneti tartylǵan, onyń ishinde 230 jyljymaly kóshpeli egý pýnktileri saýda ortalyqtarynda, halyq kóp jınalatyn jerlerde jáne shalǵaı aýdandarda, uıymdasqan ujymdarda vaktsınatsııa júrgizý úshin tartylǵan. Jyljymaly kóshpeli egý pýnktilerinde oqytylǵan medıtsınalyq qyzmetkerler bar, arnaıy tońazytqysh jabdyǵymen jabdyqtalǵan.

Aıta ketý kerek, jalpy QR Úkimeti qabyldaǵan sharalar kesheni koronovırýs ınfektsııasy boıynsha álemdik reıtıngide jaqsy kórsetkishterge qol jetkizýge múmkindik berdi.


Basty sózder: Koronavırýs, Medıtsına,
Joǵary qaraı