Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Álemde týberkýlezden kóz jumǵandar sany sońǵy 10 jylda alǵash ret ósti

2021 jyldyń 15 qazan 2021 07:57

NUR-SULTAN. QazAqparat - COVID-19 pandemııasy týberkýlezge qarsy kúreste jetken jetistikterdiń kúl-talqanyn shyǵardy: sońǵy on jylda álemde alǵash ret osy aýrýdan kóz jumǵandar sany ósti. Bul týraly Dúnıejúzilik densaýlyq saqtaý uıymynyń baıandamasyna aıtylǵan, dep habarlaıdy QazAqparat BUU Jańalyqtar qyzmetine silteme jasap.

2020 jyly aýrýǵa shaldyqqandar sany aldyńǵy jylmen salystyrǵanda az, em qabyldaıtyndar sany da qysqarǵan, biraq qaıtys bolǵandar kóp. Bul jaǵdaı pandemııaǵa jáne onymen baılanysty shekteýlerge baılanysty túsindiriledi – adamdarda tekseriletin jáne medıtsınalyq kómek alatyn múmkindik bolmady.

«Baıandama bizdiń kúdigimizdi rastap otyr: densaýlyq saqtaý salasynda qyzmetter kórsetýdegi bógelis týberkýlezge qarsy kúresken jyldarda jetken jetistigimizge nuqsan keltirýde. Bul bizdi shuǵyl áreket etýge, ınvestıtsııalaýǵa jáne ınnovatsııalyq tásilderdi engizýge ıtermeleıtin óte alańdatarlyq jańalyq. Adamdardy dıagnostıkalaýda, emdeýde jáne ońaltýdaǵy kemshilikterdi tek osylaı jeńýge bolady», - dep málimdedi dáriger Tedros Gebreıesýs.

2020 jyly osy aýrýdan qaıtys bolǵandar sany 1,5 mln adamdy qurady. DDSU málimetine sáıkes, 2021 jáne 2022 jyldary bul kórsetkish áldeqaıda joǵary bolmaq.


Basty sózder: Halyq sanaǵy, Álem, BUU,
Joǵary qaraı