Aýa raıy
Astana 11 °S
Almaty 14 °S
valıýta baǵamy
USD 421.58
EUR 496.83
RUB 5.53
CNY 62.20

Álemde koronavırýs juqtyrǵandar sany 18 mıllıonnan asty

2020 jyldyń 4 tamyz 2020 08:55

LONDON. QazAqparat – 3 tamyzdaǵy jaǵdaı boıynsha álemde koronavırýs juqtyrǵandar sany 18 mıllıonnan asty, delingen Djons Hopkıns ýnıversıtetiniń saıtynda.

690 myńǵa jýyq patsıent kóz jumǵan. 10,7 mln naýqas jazylyp shyqqan. Ótken táýlikte aýrý juqtyrýdyń 228,7 myń jańa jaǵdaıy anyqtaldy, dep habarlaıdy QazAqparat Bı-Bı-Sı agenttigine silteme jasap.

Dúnıejúzilik densaýlyq saqtaý uıymy kópten kútken Covid-19 vırýsyna qarsy vaktsına panatseıa bolmaýy múmkin dep málimdedi.

«Qazirgi ýaqytta jaǵdaıdy retteıtin «sıqyrly taıaqsha» joq, ol eshqashan bolmaýy da múmkin», - dedi DDU basshysy Tedros Adanom Gebreısýs.

Іndetke shaldyqqandar sany jóninen AQSh kósh bastap tur. Munda 4,6 mln adam aýrý juqtyrǵan. Ekinshi orynda Brazılııa (2,7 mln), úshinshi orynda Úndistan (1,8 mln), tórtinshi orynda Reseı (854,6 myń) tur.

Avstralııada dúkender jabylýda. Koronavırýs juqtyrýdyń jańa jaǵdaılary kóbeıip bara jatqan Avstralııanyń Vıktorııa shtaty karantın sharalaryn kúsheıtti. Melbýrnde alty aptaǵa dúkender jabylady.

Osy ýaqytqa deıin Avstralııa ınfektsııanyń taralýymen jaqsy kúrese bildi. Biraq sońǵy aı boıy Melbýrndegi jaǵdaı nasharlaı bastady. Elde tirkelgen 18,3 myń naýqastyń jartysynan kóbisi Vıktorııa shtatyna tıesili. Avstralııada Covid-19 vırýsynan 215 adam qaıtys bolǵan.

Manchesterde tótenshe jaǵdaı jarııalandy. Manchester men oǵan irgeles aýdandardyń bıligi koronavırýs juqtyrý oqıǵalarynyń ósimin tótenshe jaǵdaı dep atady. Biraq qala ákimshiligi bul habarlama jergilikti turǵyndardy alańdatpaýy kerek dep málimdedi. Óıtkeni bul jaǵdaı barlyq memlekettik qyzmetterdi ınfektsııamen kúresý úshin qosymsha resýrstar tartýǵa qajet.

Buǵan deıin bılik Úlken Manchesterde, Lankashırdiń keıbir bólikterinde jáne Batys Iorkshırde karantın sharalaryn qaıta engizdi.

Brıtanııa – Eýropa elderindegi Covid-19 vırýsynan qatty zardap shekken elderdiń biri. Munda barlyǵy 306 myń adam indetke shaldyqsa, 42,6 myń naýqas qaýipti vırýstan kóz jumǵan. Sońǵy eki aıda ınfektsııanyń taralýy azaıýda. Biraq vırýs eldiń aımaqtarynda órship barady.

Germanııaǵa Covid-19-ǵa qatysty qolaısyz jaǵdaıy bar memleketterden kelgenderdiń barlyǵy koronavırýsqa test tapsyrýy mindetti, dep habarlady eldiń Densaýlyq saqtaý mınıstrligi.

Germanııadaǵy koronavırýsqa baılanysty ahýal jaqsy bolatyn. Biraq sońǵy kúnderi koronavırýs juqtyrýshylar sany arta bastady. Bir táýlikte 509 adam vırýs juqtyrdy. Covid-19 juqtyrǵan jaǵdaılardyń jalpy sany 210 myńnan asady. Іndet taraǵaly taraı bastaǵaly 9148 adam kóz jumǵan.

Norvegııalyq «Rýal Amýndsen» krýızdik kemesinde kem degende 40 jolaýshy koronavırýs juqtyrdy. Borttaǵy taǵy birneshe júz adam karantınde jatyr jáne test nátıjelerin kútýde. Norvegııalyq Hurtigruten kompanııasyna tıesili keme jumadan bastap Norvegııanyń soltústigindegi Tromse portyna toqtady. Kompanııa barlyq krýızderi toqtatylǵanyn habarlady. «Qazir biz barlyq múmkindikti jáne resýrstarymyzdy qonaqtarymyz ben áriptesterimizge kómektesýge jumyldyramyz», - dedi Hurtigruten basshysy.

Fılıppınde qatań karantın sharalary qaıta engizildi. Manıla men onyń mańyndaǵy qalalarda shekteý engizildi. El prezıdenti Rodrıgo Dýterte bul sheshimge kelýge dárigerlerdiń sózderi áser etkenin túsindirdi. Olar eldiń vırýspen kúreste álsiz ekenin eskertken jáne densaýlyq saqtaý júıesi aýrý juqtyrǵandar sanynyń ósýine tótep berme almaýy múmkin degen qaýip baryn aıtqan.

11 tamyzdan bastap Sıngapýrda mindetti oqshaýlanǵan adamdar arnaıy qurylǵylardyń kómegimen baqylanady. Bul úı karantınine jiberilgen adamdarǵa qatysty. Qurylǵylar GPS trekerlerdiń kómegimen adamdardyń ornalasqan jerin baqylaıdy. Sıngapýrde karantın sharalaryn buzǵandar qatań jazalanady: qurylǵyny alyp tastaǵan nemese ózin-ózi oqshaýlaý erejesin buzǵan adamǵa iri mólsherde aıyppul salynady nemese alty aıǵa túrmege qamalady.


Basty sózder: Koronavırýs, Álem,
Joǵary qaraı