Aýa raıy
Astana 4 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Álemde koronavırýs juqtyrǵandar sany 18 mıllıonǵa jýyqtady

2020 jyldyń 3 tamyz 2020 07:40

LONDON. QazAqparat – Djons Hopkıns ınstıtýtynyń málimeti boıynsha álem boıynsha Covid-19 indetin juqtyrǵandardyń jalpy sany 18 mıllıonǵa jýyqtady, 685 myńnan astam adam ólimi tirkelgen. Іndet birneshe elde belsendi túrde taralyp jatyr. Olardyń qatarynda Avstralııa, AQSh, Ońtústik Afrıka men Úndistan bar, dep habarlaıdy QazAqparat Bı-Bı-Sıagenttigine silteme jasap.

Avstralııanyń Vıktorııa shtatynda ınfektsııaǵa shaldyqqandar statıstıkasy kúrt artyp, aıasynda apat rejımi jarııalandy. Munda sońǵy táýlikte 671 adamnyń aýrý juqtyrǵany rastaldy.

Shtattyń astanasy Melbýrnde 4-shi deńgeıdegi saqtyq sharalary engizildi. Atalǵan shekteý sharasyna sáıkes, turǵyndarǵa turatyn jerinen 5 shaqyrym radıýsta azyq-túlik alý nemese sportpen shuǵyldaný úshin ǵana úıden shyǵýǵa ruqsat etiledi. Bul shekteýler kem degende 6 aptaǵa sozylady.

Reseıde jeksenbi kúni vırýs juqtyrýdyń 5 427 jańa jaǵdaıy tirkeldi. Іndet taraǵaly 850 myńnan astam adam aýrýǵa shaldyqqan. Reseı aýrý juqtyrǵandar sany boıynsha álemde tórtinshi orynda tur.

Latyn Amerıkasy men Karıb basseıni elderinde Covid-19 vırýsynan 200 myńnan astam adam kóz jumǵan. Olardyń basym kópshiligi, shamamen 75%-y Brazılııa men Meksıkadan.

Ońtústik Afrıkada 500 myńnan astam adam indetke shaldyqqan.

Úndistanda úshinshi kún qatarynan aýrý juqtyrǵandar sany 50 myńnan asty.

AQSh-ta Donald Tramp resmı túrde prezıdenttikke úmitker dep jarııalanýy tıis respýblıkalyqtardyń saılaýaldy sezi koronavırýsqa baılanysty tarıhta alǵash ret jýrnalıster úshin jabyq rejımde ótetinin málim etti. Ol 24 tamyzda Soltústik Karolına shtatynyń Sharlott qalasynda 336 delegattyń qatysýymen ótedi.

Iranda ótken táýlikte aýrý juqtyrǵan 2 685 naýqas anyqtaldy. Bul – bir aı ishindegi eń joǵary ósim kórsetkishi.


Basty sózder: Álem, Koronavırýs, Medıtsına,
Joǵary qaraı