Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Álem qoǵamdastyǵy Aýǵanstanǵa kómek kórsetý kerek – QR SІM

2021 jyldyń 12 qazan 2021 13:42

NUR-SULTAN. QazAqparat – Álem qoǵamdastyǵy Aýǵanstanǵa kómek kórsetý kerek. Bul týraly Azııadaǵy ózara is-qımyl jáne senim sharalary keńesi Syrtqy ister mınıstrleriniń 6-kezdesýinde QR Syrtqy ister mınıstriniń orynbasary Aqan Rahmetýllın aıtty, dep habarlaıdy QazAqparat tilshisi.

«Aıtarlyqtaı alańdaýshylyq týdyryp otyrǵan taǵy bir mańyzdy másele – bul Aýǵanstandaǵy ahýal. Álem qoǵamdastyǵy osynaý kóp qaıǵy-qasiret shekken elge synı sátte kómek kórsetýi tıis. Aýǵan daǵdarysy Azııa elderi arasyndaǵy senim sharalary men ujymdyq jaýapkershilik negizderin nyǵaıtý mańyzdylyǵyn kórsetip berdi», - dedi Aqan Rahmetýllın.

Onyń paıymynsha, senim men yntymaqtastyqty nyǵaıtpaı qaýipsizdiktiń jahandyq jáne óńirlik syn-tegeýirinderin sheshýde shynaıy progresske qol jetkizý óte qıyn.

«Osyǵan oraı Qazaqstannyń AÓІSShK-ge tóraǵalyǵynyń basymdyqtaryna sáıkes biz AÓІSShK keńistigindegi qaýipsizdikti, beıbitshilikti, ekonomıkalyq, áleýmettik jáne mádenı damyýdy odan ary nyǵaıtý úshin bar kúsh-jigerimizdi jumsaýǵa daıynbyz»-, dedi QR Syrtqy ister mınıstriniń orynbasary.


Joǵary qaraı