Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Álem chempıonatynda qazaqstandyq 6 boksshy shırek fınalǵa shyqty

2022 jyldyń 15 mamyr 2022 19:43

NUR-SULTAN. QazAqparat - Bokstan áıelder arasyndaǵy álem chempıonatynda búgin shırek fınalǵa shyqqan qazaqstandyq sportshylardyń sany altyǵa jetti, dep habarlaıdy QazAqparat tilshisi.

Túrkııanyń Ystanbul qalasynda ótip jatqan álem chempıonatynda Dına Jolaman (54 keli) kanadalyq Skarlett Delgadomen jekpe-jek ótkizdi.

Tóreshiler sheshimimen qazaqstandyq boksshy jarysty jalǵastyrýǵa múmkindik aldy.

Osylaısha el quramasynan altynshy boksshymyz 1/4 fınalǵa shyqty.

Eske salsaq, budan buryn Alýa Balqybekova (48 keli), Jaına Shekerbekova (52 keli), Karına Ibragımova (57 keli), Valentına Halzova (70 keli), Gúlsaıa Erjan (81 keli) shırek fınalǵa joldama aldy.

Al Nazym Qyzaıbaı (50 keli), Rımma Volosenko (60 keli), Aıda Ábikeeva (63 keli), Darıǵa Shákimova (66 keli) men Nadejda Rıabets (75 keli) jarysty erte aıaqtady.

Álem chempıonaty 20 mamyrda márege jetedi.


Avtor Ádiljan Úmbet
Basty sózder: Sport, Boks,
Joǵary qaraı