Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Alekseı Tsoı jalǵan vaktsınatsııa qujaty jaıynda: Anyqtadyq, jolyn kestik

2021 jyldyń 5 mamyr 2021 19:14

NUR-SULTAN. QazAqparat – Koronavırýsqa qarsy jalǵan vaktsınatsııa qujatıyn jasaǵandar qatań jazaǵa tartylady. Bul týraly QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Jalǵan vaktsınatsııa qujatyna qatysty aıtar bolsam, mundaı jaıt boldy. Ol alǵash ret tirkeldi. Aqparatty ala salysymen Almaty ákimdigimen baılanysqa shyqtym. Tańerteńnen-aq baqylaýǵa alyp, kúshtik qurylymdarmen jumys istedik, qolǵa túsirdik», - dedi Alekseı Tsoı Ortalyq kommýnıkatsııalar alańynda ótken baspasóz máslıhaty barysynda.

Onyń atap ótýinshe, áleýmettik jelidegi mundaı aqparatqa monıtornıg jasalyp, jan-jaqty tekseriledi.

«Eger sizderde osyndaı jaǵdaılarǵa qatysty aqparat bolsa, onda ony qabyldaýǵa daıynbyz. Qatań áreket jasaıtyn bolamyz. Barlyq medıtsına qyzmetkerlerine bul qylmystyq jazalatyn jaǵdaı ekendigin eskerttik. Dáriger, tipti onyń janynda bolǵan kez kelgen azamat mundaı jaǵdaıda zań bar ekendigin túsinýi tıis. Munyń barlyǵy da naqty dáleldenedi. Óıtkeni, árbir doza aqparattyq júıede kórinip turady. Eger, mundaı jaıt oryn alatyn bolsa, onda qylmystyq jazaǵa tartylady»,- dedi Densaýlyq saqtaý mınıstri.

Joǵary qaraı