Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Alekseı Tsoı tamyz-qyrkúıek aılaryndaǵy koronavırýs jaǵdaıyna boljam jasady

2021 jyldyń 3 tamyz 2021 10:43

NUR-SULTAN. QazAqparat – QR Densaýlyq saqtaý mınıstri Alekseı Tsoı aldaǵy eki aıdaǵy KVI syrqattaný kórsetkishine boljam jasady, dep habarlaıdy QazAqparat tilshisi.

«Dúnıejúzilik densaýlyq saqtaý uıymynyń málimeti boıynsha, sońǵy tórt aptada DDSU-nyń alty aımaǵynyń beseýinde ınfektsııa 80%-ǵa nemese eki ese artqan. Bul ósýdiń basym bóligi qazirgi ýaqytta 132 elde tabylǵan asa juqpaly delta nusqasynan týyndaıdy. Delta shtamynyń alǵash ret elordada anyqtalǵanyn jáne syrqattanýdyń kúrt ósýine ákelgenin eskere otyryp, Nur-Sultan qalasyndaǵy syrqattaný dınamıkasyn zerttedik jáne sońǵy eki aptada aýrý kórsetkishi bir deńgeıden aspaǵanyn baıqadyq», - dedi mınıstr Úkimettiń búgingi otyrysynda.

Onyń sózine sensek, sońǵy aptada jedel járdem shaqyrý kólemi 11% azaıǵan.

«Tamyz-qyrkúıek aılaryndaǵy epıdemıologııalyq jaǵdaıǵa boljam negizinde biz optımıstik stsenarıı boıynsha júremiz, onda 2021 jyldyń tamyz-qyrkúıek aılarynda tirkeletin jaǵdaılardyń boljamdy sany - shamamen 250 myń adam (orta eseppen táýligine 7 myńǵa jýyq jaǵdaı). Optımıstik stsenarııdi odan ári uzartý karantın sharalaryn saqtap, tıisti turǵyndardy vaktsınamen qamtýdy arttyrý kezinde ǵana múmkin bolady», - dep tolyqtyrdy mınıstr.

Aıta keteıik, epıdemıologııalyq ahýaldy baǵalaý matrıtsasyna sáıkes, Qazaqstan Respýblıkasy 26 maýsymnan beri «qyzyl» aımaqta tur.

Túrkistan oblysynan basqa óńirler túgel «qyzyl» aımaqta.

3 tamyzdaǵy jaǵdaı boıynsha, respýblıkadaǵy ınfektsııalyq tósek-orynnyń 56 paıyzynda, reanımatsııalyq tósek-orynnyń 44 paıyzynda naýqastar jatyr.

Sonymen birge, elimizde vaktsına salynýy tıis halyqtyń 55 paıyzy ekpe aldy.


Joǵary qaraı