Aýa raıy
Astana 11 °S
Almaty 22 °S
valıýta baǵamy
USD 412.55
EUR 468.66
RUB 5.79
CNY 58.80

Alekseı Tsoı: Shymkenttik reabılıtolog Aına Bakeevamen 40 mınýttaı sóılestim

2020 jyldyń 7 shilde 2020 12:13

NUR-SULTAN. QazAqparat – Densaýlyq saqtaý mınıstri Alekseı Tsoı Prezıdenttiń atyna joldaǵan vıdeosy áleýmettik jelide birshama rezonans týdyrǵan shymkenttik reabılıtolog Aına Bakeevamen sóıleskenin aıtty, dep habarlaıdy QazAqparat tilshisi.

«Em-domnyń kúrdeli ádisi boıynsha ótinim jasaǵan dáriger Aına Bakeevanyń habarlamasyna qatysty birshama suraq kelip tústi. Búgin onymen baılanysqa shyǵyp, 40 mınýttaı sóılestim. Negizgi problemany, dárigerdiń neni jetkizgisi kelgenin túsindim. Ol áleýmettik jelilerde, tipti medıtsına qyzmetkerleriniń aıtýy boıynsha da em-domnyń túr-túri tarap ketkenine alańdaýshylyq bildirip jatyr. Em-dom túrlerin áleýmettik jelilerde kórip alǵan adamdardyń da oıy san-saqqa ketedi. Al keıbir preparattar kerisinshe, densaýlyqty nasharlatady. Suraqtarǵa jaýap tapqysy keletin myńdaǵan adam Aına Bakeevaǵa júginedi eken», - deıdi Alekseı Tsoı búgin OKQ-da ótken baspasóz máslıhatynda.

Osy oraıda ol Densaýlyq saqtaý mınıstrligi halyqqa arnalǵan keńesterdi resmı bekitkenin málim etti.

«Qazir Densaýlyq saqtaý mınıstrligi mamandarmen bekitilgen naqty resmı keńesterdi ázirledi. Ol Densaýlyq saqtaý mınıstrliginiń saıtyna jarııalanady. Áleýmettik jeliler arqyly da halyqqa jetkiziledi. Ol da (dáriger Aına Bakeeva) em-dom hattamasyn óz resýrstary arqyly azamattarǵa jetkizetinin aıtty», - dedi mınıstr.

Aıta keterligi budan buryn Aına Bakeeva KVI naýqastaryn emdeýge qatysty syn aıtyp, áleýmettik jelilerge vıdeo jarııalaǵan bolatyn.



Joǵary qaraı