Aýa raıy
Astana 17 °S
Almaty 16 °S
valıýta baǵamy
USD 412.55
EUR 468.66
RUB 5.79
CNY 58.80

Alekseı Tsoı Reseı densaýlyq saqtaý vıtse-mınıstrimen koronavırýspen kúres jaıyn talqylady

2020 jyldyń 8 shilde 2020 01:30

NUR-SULTAN. QazAqparat - QR Densaýlyq saqtaý mınıstri Alekseı Tsoı men RF Densaýlyq saqtaý mınıstriniń orynbasary Oleg Grıdnev COVID-19 qarsy kúreste ózara is-qımyl jáne qoldaý kórsetý máselelerin talqylady. Bul jóninde Densaýlyq saqtaý mınıstrliginiń baspasóz qyzmetine silteme jasap QazAqparat habarlaıdy.

«COVID-19 saldarynan qalyptasqan jaǵdaı ınfektsııamen kúreste halyqaralyq yntymaqtastyqtyń, ózara is-qımyl men qoldaýdyń mańyzdy ekenin kórsetti», - dedi kezdesýde Alekseı Tsoı.

Taraptar klınıkalyq hattama, ǵylymı zertteýler ázirleý, vaktsına men onyń klınıkalyq synaǵyn qarastyrý, gýmanıtarlyq kómek jáne dári-dármek boıynsha birlesken ázirlemelerdi jetkizý boıynsha ózara yntymaqtastyqty talqylady.

Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy ýaǵdalastyqqa sáıkes RF Densaýlyq saqtaý mınıstrligine gýmanıtarlyq kómek retinde olardyń qajettiligine qaraı dárilik zattar men medıtsınalyq buıymdardyń tizbesi resmı túrde jiberildi.

Esterińizge sala keteıik, 6 shildede Máskeý qalasynan Nur-Sultanǵa jańa ınfektsııamen kúres jumystaryna tartylǵan 32 jetekshi maman kelgen bolatyn.

Delegatsııa quramynda ınfektsıonıst, reanımatolog, anestezıolog-reanımatolog, epıdemıolog, pýlmonolog bar. Mamandar Nur-Sultandaǵy medıtsınalyq uıymdarǵa jáne elimizdegi asa muqtaj aımaqtarǵa konsýltatsııalyq-praktıkalyq kómek kórsetedi.


Joǵary qaraı