Aýa raıy
Astana 7 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Alekseı Tsoı ótemaqy týraly: Ár jaǵdaı jeke taldanady, dárigerler ýaıymdamasyn

2020 jyldyń 3 tamyz 2020 11:14

NUR-SULTAN. QazAqparat – Densaýlyq saqtaý mınıstri Alekseı Tsoı medıtsına qyzmetkerlerine ótemaqy berý máselesinde árbir jaǵdaı jeke ári jiti zertteletinin málim etti, dep habarlaıdy QazAqparat tilshisi.

«Kóp adam medıtsına qyzmetkerlerine ótemaqy berer kezde tamyzǵa, ıaǵnı koronavırýs pen pnevmonııa statıstıkasy biriktirilgenge deıin anyqtalǵan adamdar odan syrt qalmaı ma degen suraq qoıyp jatyr. Biz bul baǵytta jumys júrgizip jatyrmyz. Mindetti túrde máseleni jiti zertteımiz. Árbir jaǵdaı jeke taldanady. Bizdiń áriptesterimizdiń eshqaısysy bul másele boıynsha alańdamaı-aq qoısyn», - dedi Alekseı Tsoı OKQ-da ótken baspasóz máslıhatynda.

Mınıstrdiń aıtýynsha, dál qazirgi ýaqytta keleshek úshin kúsh salǵan abzal.

«Kóp ýaqyt ótpeı kúz keledi. Bul statıstıkada ótemaqy men tólemaqy ǵana emes, eń birinshi kezekte resrýstardy bólý, boljaý, dıagnostıka men aýrýhanaǵa jatqyzý máseleleri qamtylady. Bul mindetter – qazirgi ýaqytta basty mańyzǵa ıe», - dedi ol.


Joǵary qaraı