Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Alekseı Tsoı omıkron shtamynyń Qazaqstanǵa kelý yqtımaldyǵy týraly pikir bildirdi

2021 jyldyń 7 jeltoqsan 2021 12:40

NUR-SULTAN. QazAqparat – QR Densaýlyq saqtaý mınıstri Alekseı Tsoı omıkron shtamynyń Qazaqstanǵa kelý yqtımaldyǵy týraly pikir bildirdi, dep habarlaıdy QazAqparat tilshisi.

«Qazir eń basty másele monıtorıng bolyp otyr. Sebebi ázirge jańa shtamm tolyq zerttelip bitken joq. Álemde túrli shtamdar paıda bolyp jatqanyn bilip otyrsyzdar. Biriniń ornyn biri almastyryp jatyr – lıambda, odan keıin Eta-shtamm... Ár shtamǵa erekshe nazar aýdarýǵa májbúrmiz. Ár paıda bolǵan shtamnyń qalaı taraıtynyn alǵash paıda bolǵan eldegi jaǵdaıǵa qarap túsinýdiń mańyzy zor. Jaqynda ǵana Jenevada bolyp, Dúnıejúzilik densaýlyq saqtaý uıymynyń bas dırektorymen kezdestik. Sol kezde bul shtamdy zertteıtin jumys toby qurylǵany aıtyldy. Eń bastysy, bul shtamnyń sońy pandemııaǵa ulaspaǵany kerek. ıAǵnı, el ishinde taralýyn baqylaýda ustaý mańyzdy», - dedi mınıstr BAQ ókilderine bergen suhbatynda.

Onyń aıtýynsha, qazir búkil álem qaýymdastyǵynyń mindeti – shtamnyń qanshalyqty juqpaly ekenin, onyń qalaı áreket etetinin, onyń klınıkalyq kórinisterin jáne adamdar úshin qanshalyqty qaýipti ekenin baqylaý.

«Ázirge senimdi derekter joq. Tek jekelegen derekter bar. Epıdemıologııalyq monıtorıng júıesi jumys istep jatyr. Biz aı saıyn shetelden kelgen, ásirese, taldaý qorytyndysy syrqat bar ekenin kórsetken azamattardan synamalar alyp otyrmyz. Tıisinshe, halyqaralyq málimetter bazasy arqyly bul synamalardyń vırýs shtamynyń qaısysyna jatatyny tekseriledi. Sondyqtan, jaqyn arada biz naqty qorytyndy alamyz, sonyń negizinde bári túsinikti bolady. Vırýstyń bul shtamy Qazaqstanǵa kelgen kúnniń ózinde onyń tabıǵatyn, taralý tásilin túsiný mańyzdy», - dedi Alekseı Tsoı.


Joǵary qaraı