Aýa raıy
Astana 15 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

Alekseı Tsoı medıtsına qyzmetkerleriniń quqyǵyn qorǵaýǵa ýáde berdi

2020 jyldyń 7 shilde 2020 13:05

NUR-SULTAN. QazAqparat – Densaýlyq saqtaý mınıstri Alekseı Tsoı eldegi medıtsına qyzmetkerleriniń quqyǵyn barynsha qorǵaýǵa ýáde berdi, dep habarlaıdy QazAqparat tilshisi.

«Áriptesterimizdiń árbiriniń orny bólek. Basqasy basqa, dál qazir eń qajetti kadrlardyń aldyńǵy shebine medıtsına qyzmetkerleri shyqty. Jekelegen óńirlerde medıtsına mamandary qýǵynǵa ushyrap jatqan jaǵdaılar bar. Biraq munyń bári zańnamamen retteledi. Týyndaǵan árbir másele jeke qaralady. Rezonansty jaǵdaılar da joq emes. Máselen, jaqynda ǵana Túrkistan oblysynda dárigerlerdiń biri qolǵaptardyń jyrtylyp ketip jatqanyn rolık arqyly kórsetkeni úshin jumystan shyǵarylǵan. Biz qazir osy jaǵdaıdy nazarǵa aldyq. Bul dáriger basqa emhanaǵa aýystyryldy, laýazymy ósti. Bólim basshysy bolyp taǵaıyndaldy», - dedi Alekseı Tsoı OKQ-da ótken baspasóz máslıhatynda.

Mınıstr medıtsına qyzmetkerleriniń quqyǵyn barynsha qorǵaýǵa ýáde berdi.

«Medıtsınalyq uıym basshylarynyń tarapynan qandaı da bir ádiletsizdikter jasalsa, qashan da qaraýǵa daıynbyz. Oblystyq densaýlyq saqtaý basqarmalaryna tıisti tapsyrma beriledi. Bul máselege nazar erekshe. Ózimizdiń medıtsınalyq qyzmetkerlerdi sózsiz, barynsha qorǵaımyz. Alaıda, bári de zań aıasynda sheshilýi tıis», - dedi Alekseı Tsoı.


Joǵary qaraı