Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Alekseı Tsoı: Mańǵystaýdaǵy epıdahýal dabyl qaǵatyndaı deńgeıge jetti

2021 jyldyń 21 shilde 2021 12:22

AQTAÝ. QazAqparat – Densaýlyq saqtaý mınıstri Alekseı Tsoı Aqtaýda koronavırýsqa qarsy kúres jónindegi respýblıkalyq shtabtyń otyrysyn ótkizdi. Otyrys barysynda aımaqtaǵy medıtsınalyq kómek kórsetý máseleleri talqylanyp, problemalardy joıý boıynsha usynystar berildi, dep habarlaıdy QazAqparat tilshisi.

Mańǵystaý oblysy sońǵy aıda, ózge aımaqtarmen salystyrǵanda koronavırýs juqtyrǵandar men ınfektsııalyq tósek oryndarynyń tolý syıymdylyǵy jaǵynan alǵa shyqqan.

«Búginde Mańǵystaý óńirindegi keıbir aýdandaryndaǵy tósek oryn qoryna úlken salmaq túsip turǵandyǵy baıqalady. Aqtaý qalasyndaǵy ınfektsııalyq tósek oryn 64,2%, reanımatsııalyq 69% quraıdy, Jańaózen qalasyndaǵy ınfektsııalyq tósek oryn 80%, reanımatsııalyq 43,7% qurady jáne tendentsııa áli de ósetindigin kórsetip otyr. Budan bólek Aqtaý qalasynda oblystyq perınataldyq ortalyq deńgeıinde reanımatsııalyq tósek oryndarynyń tapshylyǵy seziledi degen boljam bar. Qazirgi ýaqytta 10 reanımatsııalyq tósek oryndarynyń 90% tolyq jáne modýldik ınfektsııalyq statsıonardyń 55 tósek orynynyń 69% tolyq», - dedi Densaýlyq saqtaý vıtse-mınıstri Ajar Ǵınııat.




Aqtaý qalasyndaǵy eki emhanaǵa jáne úsh ınfektsııalyq statsıonarǵa monıtorıng júrgizilgen. 67 ambýlatorııalyq karta jáne 31 aýyr hálde jatqan 31 medıtsınalyq kartaǵa taldaý jasalǵan. Nátıjesinde emhanalarda mobıldik brıgadalardyń jetispeýshiligi baıqalyp otyr, koronavırýstyq hattamalardyń klınıkalyq saqtalmaýy, ambýlatorııalyq deńgeıde ımmýnomodýldik negizsiz taǵaıyndaý oryn alǵan, vırýsqa qarsy jáne antıbakterıaldy preparattar, koronavırýstyq ınfektsııa juqtyrǵan naýqastardyń jaǵdaıyn dınamıkalyq baqylaý kezinde uıymdastyrý jumystarynda birqatar kemshilikter boldy.

«Mańǵystaý óńirindegi qazirgi ahýal dabyl qaǵatyndaı deńgeıge jetti. Sebebi aldaǵy ýaqytta oryndardyń tez tolyp qalýynan tósekoryn qorynyń jetispeýshiligi baıqalady. Turǵyndarǵa statsıonarlyq kómektiń qoljetimdiligi tómendep ketýi de yqtımal», - dedi Alekseı Tsoı jıynda.

Bul rette, jergilikti atqarýshy organdarǵa atalǵan problemalardy shuǵyl arada sheshý jóninde tapsyrma berildi.














Joǵary qaraı