Aýa raıy
Astana 12 °S
Almaty 12 °S
valıýta baǵamy
USD 412.55
EUR 468.66
RUB 5.79
CNY 58.80

Alekseı Tsoı: Koronavırýstyń reprodýktıvtik kórsetkishine qaıtadan esepteý júrgiziledi

2020 jyldyń 4 tamyz 2020 10:01

NUR-SULTAN. QazAqparat - QR Densaýlyq saqtaý mınıstrligi tamyz aıynyń alǵashqy 10 kúniniń derekteri negizinde koronavırýstyń reprodýktıvtik kórsetkishine qaıtadan esepteý júrgizedi. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«1 tamyzdan bastap statıstıkany esepke alý ádisiniń ózgerýine baılanysty Densaýlyq saqtaý mınıstrligi tamyz aıynyń alǵashqy 10 kúniniń derekteri negizinde reprodýktıvtik kórsetkishine qaıtadan esepteý júrgizetin bolady. Óńirlerdegi ahýaldy odan ary baǵalaýdy jalǵastyramyz. Maska taǵý talaby is júzinde barlyq qazaqstandyqqa qatysty boldy»,- dedi mınıstr.

Osy oraıda ol maska taǵý tıimdiligine qatysty halyqaralyq tájirıbege saraptama júrgizilgendigin atap ótti.

«Maska taǵýdyń mýltıplıkatıvtik áseri 1 aıdan keıin vırýstyń reprodýktıvtilik deńgeıin 4 ese tómendetedi. Buǵan deıin habarlaǵanymyzdaı, maska taqqan adamnyń vırýs juqtyrý múmkindigi 30 paıyzǵa tómen bolady. Sol sebepti onyń 1 aıdyń ishinde vırýs juqtyrý kórsetkishi 300-den 85 adamǵa deıin tómendeıdi», - dedi Alekseı Tsoı.

Osyǵan deıin mınıstr koronavırýs ınfektsııasynyń tirkelý jaǵdaılary 18 paıyzǵa tómendegendigin málimdedi.
Joǵary qaraı