Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Alekseı Tsoı: Qazaqstan koronavıýrs qarqyny báseńdep kele jatqan elderdiń qatarynda tur

2021 jyldyń 19 qazan 2021 09:56

NUR-SULTAN. QazAqparat – Álemniń 21 elinde koronavırýs ınfektsııasynyń beti qaıtyp keledi. Sonyń ishinde Qazaqstanda syrqattaný jaǵdaıynyń tómendeýi – 17 paıyz, dep habarlaıdy QazAqparat tilshisi.

QR Densaýlyq saqtaý mınıstri Alekseı Tsoı Úkimet otyrysynda osyndaı derek keltirdi.

«Búkil álemde koronavırýs ınfektsııasynyń 240 mıllıonnan astam, táýligine 300 myńǵa jýyq jaǵdaı tirkelip otyr, 4,9 mıllıonnan astam adam qaıtys boldy.

Dúnıejúzilik densaýlyq saqtaý uıymynyń Eýropa aımaǵyndaǵy málimetteri boıynsha, sońǵy eki aptada 54 eldiń 33-inde aýrýdyń ósýi baıqalǵan.

Sońǵy 14 kúnde aýrýdyń eń kóp ósýi Polshada baıqaldy. Onda syrqattaný deńgeıi 122%-dan asqan. Grýzııada – 98%, Ýkraınada – 69%, Vengrııada – 50-dan astam, Armenııada - 40%-dan astam, Reseıde-30%, Moldovada – 20%-dan astam, Túrkııa, Aýstrııa jáne Germanııa, Qyrǵyzstan, Belarýs elderinde 2-den 10%- ǵa deıin ósken», - dedi Alekseı Tsoı.

Onyń aıtýynsha, syrqattaný deńgeıiniń túsýi 21 elde baıqalyp otyr.

«Syrqattaný kórsetkishi Izraılde 61%, Ispanııada 43%, Shveıtsarııada 39%, Chernogorııada 24%, Italııada 22%, Frantsııada 16%, Ázirbaıjanda 7% túsken. Qazaqstanda keıingi eki aptada syrqattaný 17% - ǵa tómendedi», - dedi Densaýlyq saqtaý mınıstri.


Joǵary qaraı