Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Alekseı Tsoı Atyraý oblysyndaǵy nysandardy aralady

2021 jyldyń 28 qazan 2021 20:07

NUR-SULTAN. QazAqparat - Densaýlyq saqtaý mınıstri Alekseı Tsoı jumys saparymen Atyraý oblysyna bardy. Bul týraly QazAqparat Densaýlyq saqtaý mınıstrligine silteme jasap habarlaıdy.

Sapar barysynda Densaýlyq saqtaý mınıstri «Aýyl - El besigi» baǵdarlamasy aıasynda júzege asyrylyp jatqan sport, bilim berý jáne densaýlyq saqtaý salasyndaǵy jańa nysandardyń qurylysymen tanysty, sondaı-aq óńirdiń medıtsınalyq mekemelerine bardy.

Aǵymdaǵy jyly osy baǵdarlama aıasynda 66 myń adam turatyn 16 aýyldyq eldi mekende 22 joba iske asyrylýda. Bul maqsatqa respýblıkalyq bıýdjetten 3,9 mıllıard teńge bólindi.

Jumys sapary aıasynda A. Tsoı Isataı aýdany Tuyqudyq aýylynda bolyp, sport kesheni qurylysynyń jobasymen tanysty.

«Biz sizderdiń qandaı jaǵdaılaryńyz bar ekenin kórý úshin ár eldi mekenge arnaıy kelip otyrmyz. Densaýlyq saqtaý jaǵynan da biz sizderdiń emdelý úshin jaǵdaılaryńyz bolýy úshin barlyǵyn jasaımyz, biz sizder úshin mamandar daıyndaımyz. Olar kelip, kómek kórsetip, sizderdi emdeıtin bolady», - dedi A.Tsoı.




Budan keıin mınıstr Tuyqudyq aýylyndaǵy J. Myrzaǵalıev atyndaǵy orta mektepke 350 oryndyq japsarjaı qurylysynyń barysymen tanysty. Qurylys demeýshilik qarajat esebinen júrgizilýde, jobany 2022 jylǵy jeltoqsanda aıaqtaý josparlanýda.

Sondaı-aq, Isataı aýdanyn aralaý barysynda mınıstr Aqqystaý aýylyndaǵy aýyl ishindegi avtomobıl joldaryn rekonstrýktsııalaý barysymen tanysty. Qurylys 2022 jylǵy qyrkúıek aıynda aıaqtalýy tıis. Bul jumysty aıaqtaýǵa 600 mln teńge jáne kelesi jyly taǵy 900 mln teńge jumsalmaq.

2010 jyly salynǵan, al kúrdeli jóndeý 2022 jylǵa josparlanǵan Aqqystaý aýdandyq emhanasyn aralaý barysynda aýyldaǵy medıtsınalyq kómektiń qoljetimdiligi, halyqqa medıtsınalyq jabdyqtardyń qoljetimdiligi jáne aýyldyq densaýlyq saqtaý jaǵdaıy talqylandy. A. Tsoı Memleket basshysy Qasym-Jomart Toqaevtyń «Halyq birligi jáne reforma júıesi – eldiń órkendeýiniń berik negizi» atty Qazaqstan halqyna Joldaýynda bergen tapsyrmalaryn iske asyrý aıasynda Densaýlyq saqtaý mınıstrligi aýyldyq medıtsınany damytý úshin barlyq qajetti sharalardy qabyldap jatqanyn atap ótti.




Jumys sapary barysynda mınıstr oblystyń Inder, Mahambet jáne Isataı aýdandaryn, sondaı-aq barlyǵy 9 aýyldyq eldi mekendi aralady.

Aıta keteıik, búginde Atyraý oblysynda 153 aýyldyq eldi mekende 300 myń adam turady nemese oblys halqynyń jalpy sanynyń 45%-yn quraıdy.

«Aýyl – el besigi» jobasyn iske asyrý sheńberinde aýyldyq eldi mekenderdiń áleýmettik-ekonomıkalyq damý kórsetkishterin esepteýdiń jańa ádistemesi men modeline sáıkes oblysta 40 tirek, 38 spýtnıktik, 15 strategııalyq eldi meken jumys isteıdi, sondaı-aq 60 basqa aýyldyq eldi meken irikteldi.














Joǵary qaraı