Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Alekseı Tsoı: Antıdene taldaýynsyz-aq revaktsınatsııaǵa baramyn

2021 jyldyń 15 qazan 2021 18:45

NUR-SULTAN. QazAqparat – QR Densaýlyq saqtaý mınıstri Alekseeı Tsoı revaktsınatsııadan ótkisi kelgender nege aǵzadaǵy antıdene synamasyn tapsyrý kerektigin túsindirdi, dep habarlaıdy QazAqparat tilshisi.

«Vaktsına adam aǵzasyn belgili bir deńgeıde aýrýdan qorǵaı alady. Bizge ótinishter túsken. Ekpe alǵan azamattardyń keıbiri ýaqyt óte kelip, aǵzasynda antıdene mólsheriniń túsip ketkenin baıqaǵan. Biz sondaı adamdarǵa qaıta ekpe alýdy usynamyz. Al negizi revaktsınatsııa birinshi kezekte alǵy shepte júrgen qyzmetkerlerge usynylady.

Bizdiń negizgi kózdegenimiz – koronavırýs juqtyrý qaýpimen betpe-bet keletin adamdar revaktsınatsııaǵa jatady. Biz olarǵa keńes beremiz. Basqa azamattar aǵzasynda antınede mólsheri túsip ketkenin kórse, qosymsha doza alý múmkindigi bar», - degen mınıstr, bútin álemde qaıta vaktsınalaý áýeli alǵy sheptegi qyzmetkerler men osal toptar arasynda júrgizilip jatqanyn eske saldy.

«Buǵan deıin aıtqanymdaı, men aǵzamdaǵy antıdeneniń mólsherin teksergeli otyrǵan joqpyn. Biz alǵy sheptegi qyzmetker bolǵandyqtan, revaktsınatsııanyń merzimi kelgende antıdene taldaýynsyz-aq, qaıta ekpe alýǵa baramyz.

Jeke óz basym antıdene synamasyn tapsyrǵaly otyrǵan joqpyn. Onyń qajettigin kórip turǵanym joq. Antıdene mólsherin bilip baryp qaıta vaktsınalaýǵa barý bylaıǵy adamdarǵa qosymsha múmkindik retinde usynylyp otyrǵanyn túsiný mańyzdy. Vaktsınanyń eki komponentin alyp, ýaqyt óte kele antıdene joq ekenin kórgen azamattarǵa qaıta vaktsına alýdy usynamyz, keńes beremiz», - dedi mınıstr.

Sondaı-aq, ol elde revaktsınatsııa halyqaralyq tájirıbege súıenip jalǵasatynyn eskertti. Ózge elder revaktsınatsııaǵa jatatyn sanattardyń qataryn keńeıtse, Qazaqstanda da bul másele qarastyrylýy múmkin.

«Áýel basta biz qaıta vaktsınalaýdy alǵy sheptegi mamandardan bastaýdy kózdegen bolatynbyz. Búkil álemde solaı istelip jatyr. Álemde jańa kórsetkishter paıda bolyp, revaktsınatsııaǵa jatatyn sanattar keńeıtilgende biz de sol jolmen júremiz. Bizge qazir halyqaralyq tájirıbe mańyzdy bolyp otyr», - dedi Alekseı Tsoı.


Joǵary qaraı