Aýa raıy
Astana 0 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Alekseı Tsoı Almaty oblysy bas sanıtarlyq dárigerine qatysty tekserýdi bastaýdy tapsyrdy

2020 jyldyń 13 tamyz 2020 01:14

NUR-SULTAN. QazAqparat – Almaty oblysynyń bas sanıtarlyq dárigerine qatysty qyzmettik tekserý júrgiziledi. Bul týraly QR Densaýlyq saqtaý mınıstrliginiń resmı ókili Baǵdat Qojahmetov Facebook paraqshasynda jazdy, dep habarlaıdy QazAqparat.

Eske sala ketsek, budan buryn áleýmettik jelide sheneýniktiń Taldyqorǵan kásipkerlerimen kezdesýiniń vıdeosy taratylǵan bolatyn. Qala turǵyndary júzdesý barysynda bas sanıtarlyq dárigerdiń dórekilik tanytqandyǵyna shaǵymdanǵan edi.

«Búgin QR Densaýlyq saqtaý mınıstri Alekseı Tsoı ınternette jáne BAQ-ta jarııalanǵan vıdeony zerttedi. Ol azamattardyń renishine túsinistikpen qarap, mundaı áreket memlekettik qyzmetshige laıyqsyz dep esepteıdi. Osy oraıda densaýlyq saqtaý mınıstri Almaty oblysynyń bas sanıtarlyq dárigerine qatysty qyzmettik tekserýdi bastaýdy tapsyrdy», delingen habarlamada.

Baǵdat Qojahmetov tekserýdiń jalǵasyp jatqandyǵyn jáne onyń qorytyndysy týraly Densaýlyq saqtaý mınıstrliginiń Medıa ortalyǵy saıtynda jáne áleýmettik jeli akkaýnttarynda habarlaıtyndyǵyn atap ótti.


Basty sózder: Medıtsına, Almaty oblysy,
Joǵary qaraı