Aýa raıy
Astana -5 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Aleksandr Lýkashenko Belarýs prezıdenti qyzmetine resmı kiristi

2020 jyldyń 23 qyrkúıek 2020 16:12

MINSK. BELTA - QazAqparat – Aleksandr Lýkashenko Belarýs prezıdenti qyzmetine kiristi. Ulyqtaý rásimi Belarýstiń Táýelsizdik saraıynda ótti. QazAqparat bul týraly BELTA aqparat agenttigine silteme jasap habarlaıdy.

Prezıdentti ulyqtaý rásimine birneshe júzdegen adam shaqyrylǵan. Olardyń arasynda joǵary laýazymdy tulǵalar, Ókilder palatasynyń depýtattary men Respýblıka keńesiniń músheleri, memlekettik organdar men uıymdar, jergilikti atqarýshy jáne úılestirýshi organdar, respýblıkalyq buqaralyq aqparat quraldarynyń basshylary, ǵylym, mádenıet jáne sport qaıratkerleri boldy.





Oń qolyn Konstıtýtsııa kitabyna qoıǵan Aleksandr Lýkashenko antyn týǵan tilinde berdi. A.Lýkashenko ant qabyldaý týraly aktige qol qoıǵan soń, Belarýs Ortalyq saılaý jáne respýblıkalyq referendýmdardy ótkizý komıssııasynyń tóraǵasy Lıdııa Ermoshına oǵan Belarýs Respýblıkasy Prezıdentiniń kýáligin tabystady.

Eske salaıyq, Belarýsta prezıdent saılaýy 9 tamyz kúni ótti. OSK málimetinshe, Aleksandr Lýkashenko úshin saılaýshylardyń 80,1 paıyzy daýys bergen. El boıynsha saılaýǵa qatysý 84,28 paıyzdy qurady.

17 tamyzda Belarýs úkimeti jańadan saılanǵan prezıdent aldynda otstavkaǵa ketip, 20 tamyzda Lýkashenko el premer-mınıstrin taǵaıyndap, úkimet quramyn bekitti.






Basty sózder: Belarýs, Álem,
Joǵary qaraı