Aldaǵy úsh kúnde elimizde aýa raıy qandaı bolady
NUR-SULTAN. QazAqparat – Sınoptıkter elimizdegi 18-20 qańtarǵa arnalǵan aýa raıy boljamyn jarııalady, dep habarlaıdy QazAqparat Qazgıdrometke silteme jasap.
Sınoptıkterdiń aıtýynsha, aldaǵy kúnderi elimizdiń soltústiginde aıaz, al batysynda jaýyn-shashyn bolady.
«Jaqyn arada Qara teńiz aýdandarynan keletin batys antıtsıklony, Qazaqstandaǵy aýa raıyna áser etedi. Tsıklon elimizdiń soltústigine aıaz alyp keledi, jaýyn-shashyn tyıylady. Al Qazaqstannyń batysyna qaraı Mýrmansk aýdandarynan tsıklon kele jatyr.Onda jańbyr men qar, ekpindi jel men kóktaıǵaq qubylystary kútiledi. Soltústik-batys, soltústik óńirlerdegi termometr baǵany túsip, temperatýra túnde 10-25 aıaz, batysta 5-15 gradýs sýyq, ońtústikte 0-15 gradýsqa sheıin tómendeıdi», delingen boljamda.
