Aldaǵy úsh kún salqyn jáne jańbyrly bolady – Qazgıdromet
NUR-SULTAN. QazAqparat – 26 mamyrda túnde jáne tańerteń batysta, 27-28 mamyrda soltústik-batysta, soltústikte topyraq betinde 2 gradýsqa deıin aıaz bolýy múmkin, dep habarlaıdy QazAqparat «Qazgıdrometke» silteme jasap.
«Reseıdiń Ekaterınbýrg aımaǵynan shyqqan tsıklon respýblıka aýmaǵy boıynsha soltústik-shyǵysqa qaraı jyljýyn jalǵastyrady jáne eldiń soltústik, ortalyq, ońtústik aımaqtarynda aýa raıy turaqsyz bolady. Jańbyr jaýady. 26 mamyrda soltústik-batysta, 27-28 mamyrda ońtústik pen ońtústik-shyǵysta, 28 mamyrda ortalyqta», - dep boljaıdy sınoptıkter.
Sonymen qatar, ortalyqta naızaǵaı oınap, jeldiń kúsheıýi, burshaq jaýýy múmkin. Al, soltústik-batys antıtsıklonynyń basyp kirýine baılanysty, batysta jaýyn-shashynnyń toqtaýy, qalǵan aýmaqtarda aýa temperatýrasynyń tómendeýi yqtımal. Máselen, soltústikte topyraq betinde 2 gradýsqa deıin aıaz bolýy múmkin.
