Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aldaǵy qys qandaı bolady: Qazgıdromet boljamy

2021 jyldyń 19 qazan 2021 13:44

NUR-SULTAN. QazAqparat – «Qazgıdromet» RMK 2021 jylǵy qarasha - 2022 jylǵy naýryz aılaryna konsýltatıvtik maýsymdyq aýa raıy boljamyn jarııalady, dep habarlaıdy QazAqparat.

Qarasha - kúzden qysqa birtindep aýysý kezeńi

Aıdyń birinshi jartysy jyly bolady dep boljanyp otyr - Qazaqstannyń soltústik jartysynda aýa temperatýrasy túnde -3+2°S-tan -8-13°S-qa deıin, kúndiz +3+10°S-tan -2+3°S-qa deıin aýytqýy múmkin.

Respýblıkanyń soltústiginde, soltústik-batysynda, shyǵysynda jáne ortalyǵynda ekpindi jel soǵyp, jaýyn-shashyn (kóbinese qar túrinde) bolady, onkúndiktiń sońynda jıileıdi. Kóktaıǵaq pen tuman bir aı boıy jıi baıqalady. Aıdyń ekinshi jartysynyń eń sýyq kúnderinde termometr baǵanasy túnde -17-25°S-qa deıin, kúndiz -8-13°S-qa deıin, al elimizdiń shyǵysynda túnde -30°S-qa deıin, kúndiz -18°S-qa deıin tómendeıdi.

Elimizdiń batysy, ońtústigi men ońtústik-shyǵysynda jaýyn-shashyn bolady, jańbyr aralas qar jaýady. Eń jyly kúnderi aıdyń birinshi jartysynda boljanady, kúndiz aýa temperatýrasy +10+18°C-qa deıin joǵarylaýy múmkin, alaıda qarashanyń ekinshi jartysynda temperatýra fony túnde -5-17°C, kúndiz -2-7°C-qa deıin tómendeıdi. Úshinshi onkúndikte kún qaıtadan jylynady.

Qazaqstanda 2021-2022 jyldar aralyǵynda qys klımattyq normaǵa jýyq bolady dep boljanady

Jeltoqsanda coltústik aımaqtarda qarly borandy kúnder kqp bolady, al ońtústik aımaqtarda tuman men kóktaıǵaq jıi baıqalady. Jeltoqsan aıynda jaýyn - shashyn mólsheri respýblıkanyń basym bóliginde normadan az, elimizdiń soltústik jartysy men shyǵysynda norma shamasynda, QR qıyr soltústiginde normadan kóp bolady dep boljanady.

Qańtar - jyldyń eń sýyq aıy, óıtkeni Mońǵolııa aımaǵynan antıtsıklonynyń áseri kúsheıe túsedi. Túngi saǵattarda termometr baǵany QR soltústik jartysynda -35-40°S-qa deıin, ońtústiginde -22-30°S-qa deıin tómendeýi múmkin. Ortasha aılyq aýa temperatýrasy respýblıka aýmaǵynyń basym bóliginde normadan 1-2° tómen, elimizdiń qıyr batysynda, ońtústik-batysynda, soltústiginde, ońtústiginde jáne ońtústik-shyǵysynda norma shamasynda bolady. Respýblıka boıynsha jaýyn-shashyn mólsheri kópjyldyq normadan az, elimizdiń qıyr soltústik-batysynda, soltústik-shyǵysynda jáne Almaty oblysynyń ońtústik-shyǵysynda - norma shamasynda boljanady.

Aqpan qys mezgilin aıaqtaıdy, biraq onyń klımattyq sıpattary men aınalym erekshelikteri qańtarǵa óte jaqyn. Qar men boran, ádette, Qazaqstannyń soltústik jartysynda saqtalady. Ortasha aılyq aýa temperatýrasy QR aýmaǵynyń basym bóliginde norma shamasynda, respýblıkanyń ońtústik-shyǵysynda normadan 1° joǵary bolady dep boljanýda. Jaýyn-shashyn respýblıkanyń basym bóliginde norma shamasynda, elimizdiń ońtústik-batys jartysynda, Ortalyq Qazaqstannyń batysynda normadan az, respýblıkamyzdyń ońtústigi men ońtústik-shyǵysynyń taýly jáne taý bókterindegi aýdandarynda normadan kóp boljanady.

Qazaqstannyń ońtústigi úshin Naýryz - ádettegi kóktem aıy, al soltústik oblystarda qys áli de jalǵasýda. Naýryzda aýa-raıy qatty ózgeredi. Naýryz aıy aýa temperatýrasynyń kúrt aýytqýymen jáne jıi jaýyn-shashynnyń jaýýymen sıpattalady.

Boljam boıynsha kóktemniń alǵashqy aıy sýyq bolady. Qazaqstan aýmaǵynyń basym bóliginde ortasha aılyq aýa temperatýrasy normadan 1-2° tómen, al QR-nyń qıyr batysynda norma shamasynda bolady dep kútilýde. Naýryzda jaýyn-shashyn mólsheri respýblıkanyń soltústik jartysynda jáne qıyr ońtústiginde, ońtústik-shyǵysynda norma shamasynda, eldiń ońtústik jartysynda normadan az bolady dep boljanady.


Basty sózder: Qazgıdromet, Aýa raıy,
Joǵary qaraı