Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Alaıaqtar bank saıtynda ózgelerdiń atynan nesıe rásimdep kelgen

2021 jyldyń 4 qazan 2021 22:59

ALMATY. QazAqparat – Almatyda alaıaqtar ózgelerdiń fotosyn, beınefragmentin qoldanyp, bank saıtynda onlaın nesıe alǵan. Bankterdiń birine 10 mln teńgeden astam shyǵyn keltirildi, dep habarlaıdy QazAqparat tilshisi.

Kúdiktiler 24 pen 36 jastaǵy, buryn sottalmaǵan azamattar bolyp shyqty. Olar uzaq ýaqyt boıy tutynýshylyq nesıelerdi rásemdep kelgen.

«Alǵashqy tergeý áreketteri barysynda anyqtalǵandaı, kúdiktiler aryz-shaǵymda kórsetilgen adamdarǵa aıtpastan jáne kelisiminsiz jeke derekterin, sondaı-aq olardyń sýretterin nemese beınefragmentin qoldana otyryp, banktiń saıtynda onlaın nesıe alýǵa ótinimderdi toltyrǵan. Nesıelik ótinimder maquldanǵan soń jáne klıentterdiń shottaryna qarajat túskennen keıin, qarajatty ınternet-bankıng arqyly basqa bankterdiń shottaryna shyǵarǵan. Osylaısha, bankterdiń birine jalpy somasy 10 mıllıon teńgeden astam materıaldyq zalal keltirildi»,- dedi Medeý aýdandyq polıtsııa b asqarmasynyń bastyǵy Dáýren Ótebaev.

Polıtseıler júrgizgen arnaıy shara barysynda alaıaqtar anyqtalyp, ustaldy. Tergeý aıaqtalǵansha, ekeýi de ýaqytsha ustaý ızolıatoryna qamaldy.

Qylmystyq is Qylmystyq kodekstiń 190- baby 4- bóligi 2- tarmaǵy ( «Aqparattyq júıeni paıdalanýshyny aldaý nemese senimine qııanat jasaý arqyly jasalǵan alaıaqtyq») boıynsha tergelýde. Eger kúdiktilerdiń kinási dáleldense, olar 5 jyldan 10 jylǵa deıin bas bostandyǵynan aıyrylýy múmkin.


Joǵary qaraı