Aýa raıy
Astana 0 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Ál-Farabı atyndaǵy QazUÝ-da Abaı zaly ashyldy

2020 jyldyń 10 tamyz 2020 17:18

ALMATY. QazAqparat – Uly Abaıdyń 175 jyldyǵyna oraı ál-Farabı atyndaǵy Qazaq ulttyq ýnıversıtetinde taqyryptyq zaldyń tusaýkeseri ótti, dep habarlaıdy QazAqparat.

Qazaqstannyń Prezıdenti Qasym-Jomart Toqaev óziniń «Abaı – Rýhanı reformator» atty maqalasynda: «Biz Abaıdy HІH ǵasyrda ómir súrip, HHІ ǵasyrdyń sózin sóılegen danyshpan retinde álemge tanytýymyz kerek. Sonymen qatar ony ulttyq sanany jańǵyrtýǵa zor yqpal etken rýhanı reformator retinde dáripteýge mindettimiz. Túptep kelgende, árbir qazaq Abaımen maqtanýǵa tıis!» – dep atap ótti.

Uly aqynnyń mereıtoıyn merekeleý aıasynda QazUÝ-dyń Ǵylymı kitaphanasynda jańa taqyryptyq zal ashyldy, onda Abaı Qunanbaevqa arnalǵan arnaıy ekspozıtsııalar, sondaı-aq aqynnyń ómiri men shyǵarmashylyǵyn ashyp kórsetetin sýret galereıasy ornalasqan. Ortalyq sýrette aqyn dala men taýlar aıasynda aq kıimde beınelengen, bul onyń jany men oıynyń tazalyǵyn beınelep, Abaıdyń ulylyǵyn jáne onyń týǵan jerimen ajyramas baılanysyn kórsetedi.





«Zal 80 orynǵa arnalǵan jáne zamanaýı aýdıo-vıdeo jabdyqtarmen jabdyqtalǵan, munda stýdentter úshin dárister, kezdesýler, konferentsııalar jáne basqa da ǵylymı sharalar ótkizýge bolady. Sonymen qatar, bul jerde Abaı shyǵarmalarynyń, onyń ishinde sırek kezdesetin basylymdardyń turaqty kórmesi bar. Sondaı-aq, Abaı jáne onyń shyǵarmalary týraly aýdıo-vıdeo materıaldardyń tolyq jınaǵy keltirilgen», - dep atap ótti tusaýkeser barysynda kitaphana dırektory Kalıma Tóleýbaeva.

Sondaı-aq, sharada uly aqynnyń Halyqaralyq Abaı klýby men QazUÝ birlesip basyp shyǵarǵan shyǵarmalarynyń tolyq jınaǵy usynyldy. Osy shyǵarylym týraly belgili qazaq jazýshysy, dramatýrg jáne baspager Rollan Seısenbaev áńgimeledi. Ol on tomdyq basylymǵa orys, aǵylshyn, frantsýz jáne nemis tilderine aýdarylǵan týyndylar kirgenin atap ótti. Jınaqtyń «Abaı týraly sóz» atty jeke tomy tolyǵymen Abaı týraly ádebıettanýshylar, aqyndar, jazýshylar jáne álemge áıgili ǵalymdardyń tujyrymdaryna arnalǵan.





«Bıyl álem eki aıtýly kúndi – uly oıshyl Ál-Farabıdiń 1150 jyldyǵyn jáne maıtalman aqyn Abaıdyń 175 jyldyǵyn atap ótýde. Qazaqtyń darhan jeri adamzatqa ózinen tysqary jerlerde rýhanı jáne shyǵarmashylyq murasymen tanymal bolǵan uly perzentterin syılady. Jaqynda ál-Farabı atyndaǵy QazUÝ-de Ál-Farabı ortalyǵy ashylǵan bolatyn, al búgin – Abaı atyndaǵy zal ashylýda. Osynyń arqasynda olar bizge, jas urpaqqa jaqyndaı tústi, bul bizdiń rýhanı jańǵyrýymyzǵa degen senimimizdi kúsheıte túspek», - dedi Rollan Seısenbaev.

Memleket basshysy atap ótkendeı, bizdiń sanamyzdy, kókjıegimizdi keńeıtip, rýhanı damýymyz úshin Abaıǵa arnalǵan is-sharalardy ótkizý asa mańyzdy. Onyń murasy qazaq halqynyń bolmysy men ulttyq ereksheligin, salt-dástúri men rýhyn aıqyn kórsetedi. Onyń kemeldilikke, oı jáne adam janynyń tazalyǵyna umtylý týraly ıdeıalary árbir qazaqstandyq úshin mańyzdy baǵdarǵa aınalýy kerek.























Basty sózder: #Abai175, JOO-lar, Almaty,
Joǵary qaraı