Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqjarqyn Turlybaı Qazaqstanǵa qaıtarylýy múmkin

2022 jyldyń 16 mamyr 2022 12:20

NUR-SULTAN. QazAqparat – Qytaıda ómir boıyna bas bostandyǵynan aıyrylǵan Aqjarqyn Turlybaı Qazaqstanǵa qaıtarylýy múmkin. Bul jaıynda Aqjarqynnyń advokaty Suńqar Nurmaǵabmetov Facebook paraqshasynda jazdy, dep habarlaıdy QazAqparat tilshisi.

«2014 jyly Gýanchjoý áýejaıynda Aqjarqyn Turlybaı ustaldy. Sol jyly Hoshımın qalasynda rostovtyq Marııa Dapırka tutqyndaldy. Zańsyz esirtki aınalymyna qarsy kúres Ortalyq Azııa óńirlik aqparattyq koordınatsııalyq ortalyǵy qyzdardy nıgerııalyq esirtki tobynyń qurbanyna aınalǵan dep moıyndady. Ekeýi de ómir boıyna bas bostandyǵynan aıyrylǵan. Aqjarqyn Turlybaıdyń jaqyn arada Qazaqstanǵa qaıtarylýyn kútemiz», - dep jazdy Suńqar Nurmaǵambetov.

Eske sala keteıik, 21 jastaǵy qazaq qyzy Aqjarqyn Turlybaı 2014 jyldyń naýryz aıynda Qytaıdyń Malaızııamen shekarasynda esirtkimen ustalǵan bolatyn. Onyń júk sómkesinen 4,5 keli esirtki tabyldy, Aqjarqyn ol týraly bilmeıtinin málimdegen. Osy is boıynsha Qytaıdyń Gýanchjoý soty Aqjarqyn Turlybaıdy esirtki kontrabandasymen aıyptap, ómir boıyna bas bostandyǵynan aıyrdy. 2016 jyly 7 sáýirde apellıatsııalyq satydaǵy sot Aqjarqyn Turlybaıdy ómir boıyna bas bostandyǵynan aıyrý jazasyn ózgertý jáne isti birinshi satydaǵy sottyń qaraýyna jiberý týraly qaýly etken.




Buǵan deıin QR men QHR memleketteriniń quzyrly organdary bir kelisimge kelgen jaǵdaıda Qytaıda sotty bolǵan Aqjarqyn Turlybaı jazasyn óz elinde óteýi múmkin ekendigin buǵan deıin de habarlaǵan edik.

Qazaqstan Prezıdenti Qasym-Jomart Toqaev ta Qytaıǵa memlekettik sapary barysynda osy el túrmesinde jatqan otandasymyz Aqjarqyn Turlybaıdyń máselesin kótergen bolatyn.


Joǵary qaraı