Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqyly joldarda Qyzmet kórsetý ortalyqtary jumys isteı bastady

2021 jyldyń 26 qarasha 2021 13:45

NUR-SULTAN. QazAqparat - Respýblıkalyq mańyzy bar joldarda jáne qalalarda aqyly joldar boıynsha 7 qyzmet kórsetý ortalyǵy jumys isteıdi. Bul týraly QR Indýstrııa jáne ınfraqurylymdyq damý mınıstrliginen málim etti, dep habarlaıdy QazAqparat.

Ortalyqtarǵa aqyly ýchaskeler boıynsha qandaıda bir saýaldar týyndaǵan jaǵdaıda nemese abonementterdi resimdeý úshin júginýge bolady. Budan bólek, júk tasymalyna qatysty qyzmet kórsetetin uıymdardyń kelisimshart jasasý jáne aldyn ala tólem jasaý týraly tolyq málimet alý múmkindigi bar.

Aqyly joldar boıynsha qyzmet kórsetý ortalyqtarynyń ornalasqan jeri:

1. «Qapshaǵaı – Taldyqorǵan», 252+150 shaqyrymda sol jaǵynan (Taldyqorǵan qalasynan shyǵa beriste), Taldyqorǵan qalasy aýmaǵynda Qapshaǵaı baǵytynda ornalasqan.

2. «Taraz – Qaınar», 453+300 shaqyrymda oń jaǵynan (Aqsholaq a.), Taraz qalasynan shyǵa beriste Qaınar aýylyna baratyn baǵytta, Taraz qalasynan 37 shaqyrym jerde ornalasqan.

3. «Shymkent – Qyzylorda», 2127+000 shaqyrymda oń jaǵynan (Iqan a.); Túrkistan qalasynan Shymkent shaharyna shyǵa beriste, Túrkistan qalasynan 15 shaqyrym jerde ornalasqan.

4. «Shymkent – Taraz», 648+500 shaqyrymda oń jaǵynan (Mashat a.), Shymkent qalasynan Taraz shaharyna baratyn baǵytta, Shymkent qalasynan 28 shaqyrym jerde ornalasqan.

5. «Shymkent – Ózbekstan shekarasy, 792+000 shaqyrymda oń jaǵynan, Atameken aýylynan Shymkent qalasyna baratyn baǵytta, Shymkent qalasynan 86 shaqyrym jerde ornalasqan.

6. «Nur-Sultan – Pavlodar», 20+400 shaqyrymda sol jaǵynan (Qoıandy a.), Nur-Sultan qalasynan Pavlodar shaharyna baratyn baǵytta, Nur-Sultan qalasynyń aýmaǵynda ornalasqan.

7. «Nur-Sultan – Pavlodar», 1239+500 shaqyrymda oń jaǵynan (Báıet a.), Pavlodar qalasyna baratyn baǵytta, Nur-Sultan qalasynan 239 shaqyrymda jáne Ekibastuz qalasynan 53 shaqyrym jerde ornalasqan.


Joǵary qaraı