Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqyly joldar baǵasy qymbattaıdy degen aqparat jalǵan - komıtet

2022 jyldyń 26 mamyr 2022 09:43

NUR-SULTAN. QazAqparat - Áleýmettik jelilerde aqyly joldar tarıfi ósetini jaıly aqparat tarady. Osyǵan baılanysty Kólik komıteti málimdeme jasady, dep habarlaıdy QazAqparat.

Búginde respýblıka boıynsha uzyndyǵy 2,2 myń shaqyrym bolatyn I sanattaǵy avtojoldardyń 11 aqyly ýchaskesi jumys istep tur.

Aqyly ýchaskelerdegi tarıfter Úkimettiń 2013 jylǵy qaýlysymen bekitilgen:

- jeńil kólik úshin – shaqyrymyna 1 teńge;

- 16 orynǵa deıingi avtobýstar jáne 1-den 2,5 tonnaǵa deıingi júk kólikteri úshin – shaqyrymyna 5 teńge;

- 32 orynǵa deıingi avtobýstar jáne 5,5 tonnaǵa deıingi júk kólikteri úshin – shaqyrymyna 10 teńge;

- 32 orynnan joǵary avtobýstar jáne 10 tonnaǵa deıingi júk kólikteri úshin – shaqyrymyna 15 teńge;

– 10-nan 15 tonnaǵa deıingi júk kólikteri úshin – shaqyrymyna 20 teńge;

- 15-ten 25 tonnaǵa deıingi júk kólikteri úshin – shaqyrymyna 25 teńge.

Qazirgi ýaqytta qoldanystaǵy I sanattaǵy aqyly ýchaskeler boıynsha jol júrý tarıfin kóterý kózdelmeıdi, ıaǵnı olar burynǵy qalpynda qalady.

Tek shet elderdiń tranzıt júk kólikteri úshin jol júrý tarıfin ulǵaıtý máselesi qarastyrylyp jatyr.

Qazirgi ýaqytta bastama halyqaralyq zańnamany eskere otyryp aldyn ala talqylaný ústinde. Bul sheshim jergilikti kompanııalar arasynda adal báseke týǵyzady.

Osyǵan baılanysty, avtojoldardyń aqyly ýchaskeleri boıynsha júrý úshin birizdendirilgen jáne tranzıttik tarıfter ázirlenip jatyr.

«Whatsapp jelisinde júk kólikteriniń júrý qunyn shaqyrymyna 400 teńgege deıin qymbattatý týraly aqparat shyndyqqa janaspaıtynyn aıta ketý kerek. Barynsha saq bolyp, arandatýshylyqqa jol bermeýge shaqyramyz. Qosymsha suraqtar týyndaǵan jaǵdaıda 1403 nómiri boıynsha habarlasýlaryńyz. Esterińizge sala keteıik, jalǵan aqparat taratqan tulǵalar qylmystyq jaýapkershilikke tartylady» delingen komıtet habarlamasynda.

Joǵary qaraı