Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqyly jolda tólem jasamaǵandarǵa qansha aıyppul salynady

2021 jyldyń 25 qarasha 2021 13:58

NUR-SULTAN. QazAqparat – «QazAvtoJol» kompanııasy aqyly tóldarǵa qalaı tólem jasaýǵa bolatynyn túsindirdi, dep habarlaıdy QazAqparat tilshisi.

Bıyldyń 23-qarashasynan bastap 7 jańa respýblıkalyq jol ýchaskelerinde jol júrý aqysy alynýda.

Bul kelesi ýchaskeler: Nur-Sultan-Pavlodar, Shymkent-Ózbekstan shekarasy (Tashkentke), ýchınsk-Kókshetaý, Qapshaǵaı - Taldyqorǵan, Shymkent - Taraz, Taraz - Qaınar, Shymkent – Qyzylorda.

«Eger siz osy aqyly ýchaskeler arqyly ótip, jol júrý aqysyn tólemegen bolsańyz, onda sizge 7 kún ishinde tarıfke sáıkes qaryzyńyzdy óteý múmkindigi beriledi. Aqy tóleýdiń 20-dan astam nusqasy qarastyrylǵan: QAJ mobile (mobıldi qosymsha), Kaspi.kz, Kiwi-ámııan, Forte Bank jáne t.b. Esterińizge sala keteıik, jol júrý aqysyn tólemegen jaǵdaıda, 8-shi kúni QR ÁQBtK-niń 628-babyna sáıkes sizge aıyppul salynady. Jeke tulǵalar úshin ol 5 AEK, zańdy tulǵalar úshin -10 AEK-ti quraıdy. Barlyq avtokólik júrgizýshilerinen ákimshilik quqyq buzýshylyqty boldyrmaý úshin jolaqysyn ýaqtyly tóleýdi suraımyz», - delingen kompanııa málimetine.

Budan buryn habarlanǵandaı, «QazAvtoJol» kompanııasynyń Telegram-daǵy jelisi arqyly joldardaǵy tólem quny men ózge de suraqtar boıynsha jaýap alýǵa bolady.



Avtor Rýslan Ǵabbasov
Basty sózder: Kólik, Jol, Basqa memorgandar,
Joǵary qaraı