Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbeniń birneshe aýdanyn shalǵyn qurt jaılap ketti

2021 jyldyń 28 shilde 2021 21:01

AQTÓBE. QazAqparat – Aqtóbede 8 myń gektar aýmaqty shalǵyn qurt jaılady. Onyń 2400 gektary - aýyl mańy men basalqy jer, dep habarlaıdy QazAqparat tilshisi.

Aqtóbe oblysynyń Qarǵaly, Mártók, Hromtaý, Alǵa, Muǵaljar jáne Aqtóbe qalasynyń aýmaǵyn juldyzqurt jaılady.

Shóp talǵamaıtyn shalǵyn qurtty ýlaý jumysyna sharýalardyń ózderi jaýapty. Al aýyl-aımaqqa tıesili jerdi ýlaý - atqarýshy bıliktiń mindeti.

«Jańbyr jaýyp, keıin kún qatty ysyǵanda osyndaı bolady. Bul 8-10 jylda bir qaıtalanatyn jaǵdaı. Fıtosanıtarııalyq dıagnostıka jáne boljamdar-ádistemelik ortalyǵy anyqtaǵan aýmaqta ǵana hımııalyq óńdeý júrgiziledi. Qazir 8 myń gektar jer anyqtaldy. Onyń 2400-i bosalqy jer jáne eldimekenge tıesili aýmaq. Al 5400-i sharýalar menshiginde. Talap boıynsha sharýalar óz qarjysyna óńdeý júrgizedi. Keıin qarjysynyń teń jartysy sýbsıdııalanady», - dedi oblystyq aýyl sharýashylyǵy basqarmasynyń basshysy Isataı Esmaǵambetov.

Qazirgi kezde ýlaý jumysyna arnalǵan 15 tehnıka bar. Arasynda júk kóligi men ushaq jumyldyrylady.

Aıta keteıik, qazir qala mańynda kókónis ósiretin sharýa qojalyǵy aýmaǵyna da qurt túskeni anyqtaldy.

Oblystyq aýyl sharýashylyǵy basqarmasynyń basshysy Isataı Esmaǵambetovtiń aıtýynsha, kókónispen qatar egis alqaby, maıly daqyl ósirilgen jerde de qurt bar .

«Sharýashylyqtar óz kezeginde ýlaý jumysyn júrgizgen. Ekkeni, baptaǵany jappaı joıyldy dep aıtýǵa bolmaıdy. Bul kókónis pen jemis baǵasyna keri áser etedi dep te oılamaımyz. Sebebi búlingen aýmaq az, sharýalar ýlap jatyr», - dedi oblystyq aýyl sharýashylyǵy basqarmasynyń basshysynyń orynbasary Asylhan Ábtıev.

Sharýalar qazir 9 myń gektar aýmaqty ýlap úlgergen. Olar - Mártók, Qarǵaly, Muǵaljar jáne Alǵa aýdandarynyń sharýalary.

Joǵary qaraı