Aýa raıy
Astana -11 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbeniń bas sanıtarlyq dárigeri kásipkerlerge eskertý jasady

2020 jyldyń 30 qazan 2020 16:12

AQTÓBE. QazAqparat – Aqtóbeniń bas sanıtarlyq dárigeri Nursulý Berkimbaeva toı, as berýdi toqtatpaǵan meıramhana ıelerine eskertý jasady, dep habarlaıdy QazAqparat tilshisi.

Keshe Aqtóbede 12 adamnan koronavırýs ınfektsııasy anyqtaldy. Aýyryp, dáriger kómegine júgingenderdiń ekeýi Qarǵaly aýdanynyń, tórteýi Aqtóbe qalasynyń turǵyny. Sonymen birge Hromtaý aýdanynyń 5 turǵynynan COVID-19-dyń sımptomsyz túri anyqtaldy. Olardyń barlyǵy qazir dárigerler baqylaýyna alyndy.

Aıta keteıik, óńirde barlyǵy 3 305 jaǵdaı tirkelse, onyń 97 paıyzdan astamy jazyldy. Qazirgi 109 adam úı karantıninde jatyr.

«Karantın shekteýin kúsheıtý epıdemıologııalyq jaǵdaıǵa baılanysty sheshiledi. Qazirgi kezde jeksenbi kúnderi iri saýda oryndary, bazarlar jumys istemeıdi. Sonymen birge kóbiniń jumys ýaqyty qysqardy. Qoǵamdyq tamaqtaný oryndaryna eskertý jasaǵym keledi. Qazirgi kezde monıtorıng tobynyń hattamasy kóbeıdi. Áli de toı, marqumnyń jylyn berdý ótkizip jatqandary bar. Adamdardyń densaýlyǵyn qaterge tigýge bolmaıdy. Bul jalǵasa berse, karantın sharasy kúsheıtiledi», - dedi oblystyq taýarlar men kórsetiletin qyzmettiń sapasy men qaýipsizdigin baqylaý departamentiniń basshysy Nursulý Berkimbaeva.

Aqtóbede koronavırýs ınfektsııasyna shaldyqqan 21 naýqas aýrýhanada em qabyldap jatyr. Bireýi jansaqtaý bóliminde. Pnevmonııaǵa shaldyqqan 32 naýqas ta únemi dárigerler baqylaýynda. Oblysta 315 oryn daıyn tur. Onyń tek 16 paıyzynda naýqastar emdelip jatyr.


Joǵary qaraı