Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbelik dárigerler pandemııa kezinde kóz jumǵan áriptesterin eske aldy

2021 jyldyń 18 maýsym 2021 17:35

AQTÓBE. QazAqparat – Aqtóbede medtsına qyzmetkerleriniń kásibı merekesi kezinde COVID-19-dan kóz jumǵan dárigerlerge qurmet kórsetildi, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Aqtóbe oblysynyń ákimi Ońdasyn Orazalın densaýlyq saqtaý salasynyń qyzmetkerlerin kásibı merekesimen quttyqtady.

Sharaǵa medıtsına qyzmetkerleri, ardagerleri qatysty. Jıyn kezinde COVID-19-dan qaıtys bolǵan 23 medıtsına qyzmetkerin bir mınýt únsizdikpen eske aldy.

Ońdasyn Orazalın quttyqtaý sózinde aqtóbelik dárigerlerdiń sheberligi men joǵary kásibıligin, pandemııa jaǵdaıyndaǵy jankeshti ári orasan zor eńbegin erekshe atap ótti.

«Pandemııa qoǵamǵa densaýlyq saqtaý salasynyń orasan zor mańyzdylyǵyn kórsetti. ​ Jerlesterimizdiń densaýlyǵy men ómirin saqtap qalǵandaryńyz úshin meniń shyn júrekten shyqqan alǵysymdy qabyl alyńyz. Sizderge jáne jaqyndaryńyzǵa amandyq, uzaq ǵumyr jáne zor densaýlyq tileımin»,- dedi oblys ákimi.




Aımaq basshysy densaýlyq saqtaý salasyndaǵy oń ózgeristerge toqtaldy.

Táýelsizdik jyldary ishinde tek Aqtóbe oblysynda 130-dan astam jańa medıtsınalyq mekemer salynsa, onyń 9-y aýrýhana, 5-i emhana, 57-si dárigerlik ambýlatorııa.

Jıyn kezinde 40 medıtsına qyzmetkeri Densaýlyq saqtaý mınıstrliginiń tósbelgimen, oblys ákiminiń alǵys hatymen marapattaldy.

Al eki dárigerge «Eńbek ardageri» alqasy berildi. Baıqaýda úzdik shyqqan medıtsına uıymdary da marapattaldy.

Qarǵaly qalalyq aýrýhanasyna 1 mln, jedel medıtsınalyq járdem aýrýhanasyna 500 myń, Oıyl aýdandyq aýrýhansyna 300 myń teńgeniń serıtıfıkaty tabys etildi.

Budan ózge, toǵyz medıtsına qyzmetkeri 100 myń teńge kólemindegi syıaqymen marapattaldy.












Joǵary qaraı