Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbege CoronaVac vaktsınasynyń 22 myń dozasy jetkizildi

2021 jyldyń 18 maýsym 2021 18:29

AQTÓBE. QazAqparat – Búginde 60 myńǵa jýyq aqtóbelik koronavırýs ınfektsııasyna qarsy vaktsınanyń eki komponentin de qabyldady. Óńirge taǵy 22 myń doza CoronaVac vaktsınasy jetkizildi, dep habarlaıdy QazAqparat tilshisi.

Bir táýlikte óńirde taǵy 34 adamnan koronavırýs ınfektsııasy anyqtaldy. Onyń 27-i sımtomdy. Aýyryp, em izdegender ınfektsııalyq statsıonarlarǵa jatyzylǵan.

Oblystyq densaýlyq saqtaý basqarmasy basshysynyń orynbasary Bekbolat Іzbasarovtyń aıtýynsha, qazir barlyǵy 145 adam aýrýhanada jatyr.

Onyń bireýi ókpeni jasandy jeldetý apparatyna qosylǵan. Sonymen birge 13 bala koronavırýs ınfektsııasyn juqtyrsa, bireýi aýrýhanada.

Bir júkti kelinshek te dárigerler baqylaýyna alynǵan.

«Aqtóbe «jasyl» aımaqta bolǵanymen, epıdemıologııalyq jaǵdaı turaqsyz. Sońǵy kúnderi sál de bolsa ósim tirkeldi. Turǵyndarǵa aýrýdyń aldyn-alý úshin vaktsınanyń tıimdiligin taǵy eske salamyz. Ókinishtisi – bul jumys baıaý. Aýrýdy toqtatatyn tek vaktsına ekenin umytpaǵan jón. Qarapaıym qorǵaný tásilderin de ustanǵan durys», - dedi oblystyq sanıtarııalyq-epıdemıologııalyq baqylaý departamenti basshysynyń orynbasary Muhtar Serbaev.

Óńirge 202 450 doza vaktsına jetkizildi. Onyń 22 myń dozasy - CoronaVac vaktsınasy.

Vaktsına barlyq medıtsınalyq uıymǵa úlestirildi.

«Búginge deıin 104 305 adam І-komponentpen egildi. Al 59 758 adam eki komponentin de saldyrdy»,- dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.



Joǵary qaraı