Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbede jylý men ystyq sý baǵasy tómendedi

2022 jyldyń 27 qańtar 2022 21:20

AQTÓBE. QazAqparat – Byltyr jeltoqsan aıynda Aqtóbede ystyq sý men jylý baǵasy tómendedi. Al bıyl elimiz boıynsha kommýnaldyq qyzmet aqysyna moratorıı jarııalandy, dep habarlaıdy QazAqparat tilshisi.

Elimizde kommýnaldyq qyzmet baǵasyna moratorıı jarııalandy. Qazirgi kezde Aqtóbede qalasynda sýdyń tekshe metri 75,94 teńge. Káriz sýynyń tekshe metri 60,23 teńge, ortalyqtandyrylǵan jylý ár sharshy metrine 101,22 teńge. Ystyq sý baǵasy tekshe metrine - 176,55 teńge.

«Byltyr jyl sońynda ystyq sý men jylý baǵasy 10% tómendedi. Bıyl sol kúıi qalyp otyr. Bul qarapaıym tutynýshylar tóleıtin kommýnaldyq tólem baǵasy. Elektr togy kVt/saǵ 9,63 teńge, gaz sharshy metrine 9,65 teńge. Barlyǵy qosylǵan qun salyǵyn qospaı kórsetilip tur. Moratorıı kezinde kommýnaldyq tarıf kóterilse, QR Ákimshilik quqyqbuzýshylyq kodeksine sáıkes ákimshilik jaýapqa tartylady. Derek tirkelse, departamentke habaralasýǵa bolady. Moratorıı kommýnaldyq qyzet kórsetetin kompanııalardyń ınvestıtsııalyq baǵdarlamalaryna, josparly jóndeý, qurylysyna esh keri áserin bermeýi tıis. Bári josparly túrde jalǵasady. Eger mundaı jumys júrgizilmese departament Tabıǵı monopolııalar zańnamasyna sáıkes óz sheshimin shyǵarady», - dedi QR Ulttyq ekonomıka mınıstrligi Tabıǵı monopolııalardy retteý komıtetiniń Aqtóbe oblysy boıynsha basqarmasynyń basshysy Nurlan Bolatbaev.

Aıta keteıik, 2020 jyly Aqtóbedegi 17 tabıǵı monopolııa sýbektisinde zańbuzýshylyq anyqtalyp, olarǵa 1,2 mlrd teńge kóleminde ótemdik tarıf bekitildi. Onyń ishinde sýmen jabdyqtaýǵa 84, káriz júıesi 9 mln teńge, al jylýmen jabdyqtaý boıynsha 1 mlrd 42 mln teńge.

«Munaı-gaz ónimderiniń baǵasy da baqylaýda. AI-80 markaly benzın baǵasy lıtrine 89 teńgeden aspaýy tıis. Al AI - 92-93-ke 182, AI-95-ke 215 teńge dep bekitilgen. Dızeldi otyn quny lıtrine 230 teńgeden kóterilmeýi kerek»,- dedi Nurlan Bolatbaev.


Joǵary qaraı