Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede júrgizýshi kýáligi joq adam mektep oqýshylaryn tasymaldaǵan

2021 jyldyń 22 qańtar 2021 21:28

AQTÓBE. QazAqparat – Aqtóbede jol erejesin buzyp, kýáliginen aıyrylǵan júrgizýshi mektep oqýshylaryn tasymaldaǵan. Qazir osy iske qatysty qylmystyq is qozǵaldy, dep habarlaıdy QazAqparat tilshisi.

Óńirde «Avtobýs» jedel aldyn alý sharasy ótip jatyr.

Patrýldik polıtsııa qyzmetkerleri «Aqtóbe-Orsk» avtojolynda Ýkraınka aýylynan Aqjar aýylyndaǵy mektepke qatynap oqıtyn oqýshylar avtobýsyn toqtatty.

Qujat tekserý kezinde mektep avtobýsy júrgizýshisiniń jol-kólik oqıǵasyn jasaǵany jáne oqıǵa ornynan ketip qalǵany úshin 1 jyl 9 aıǵa júrgizýshi kýáliginen aıyrylǵany anyqtaldy.

«Polıtsııa qyzmetkerleri jolaýshylar tasymaldaıtyn «PAZ» qoǵamdyq kóliginiń taǵy bir júrgizýshisiniń zańǵa baǵynbaǵanyn anyqtady. Belgili bolǵandaı, ótken jyly júrgizýshi mas kúıinde kólik júrgizgeni úshin kólik quralyn basqarý quqyǵynan aıyrylǵan. «Avtobýs» jedel aldyn alý sharasy keshe bastaldy. Eki kúnde 240 buzýshylyq anyqtaldy. Onyń 12-i jyldamdyqty arttyrsa, 40-y kólik quralyn basqarý kezinde telefondy nemese radıostantsııany paıdalanǵan.

Aıta ketý kerek, belsendi azamattyq ustanym tanytqan turǵyndar 50-den astam buzýshylyq anyqtap, polıtsııaǵa foto-vıdeo materıal jiberdi.


Joǵary qaraı