Aqtóbede joldy kesip ótpek bolǵan áıel kóz jumdy

AQTÓBE. QazAqparat – Aqtóbe qalasynda joldy belgilenbegen jerden kesip ótpek bolǵan 39 jastaǵy áıel kóz jumdy, dep habarlaıdy QazAqparat tilshisi.

Búgin «Lada» avtokóliginiń 26 jastaǵy júrgizýshisi Ótegen Seıitov kóshesiniń boıynda 39 jastaǵy áıeldi qaǵyp ketti. Jol-kólik oqıǵasy saldarynan jaıaý júrginshi sol jerde kóz jumdy.

«Ol 10 metr qashyqtyqta turǵan arnaıy júrginshiler jolaǵyna jetpeı joldy kesip ótip, qarsy betke ótpek bolǵan. Qazirgi kezde tergeý bastaldy. Joldaǵy kólik bir sátte toqtaı almaıdy. Sondyqtan joldy júgirip ótý jaıaý júrginshiler úshin asa qaýipti ekenin eske salamyz», - dedi oblystyq PD baspasóz qyzmetiniń jetekshisi Erbolat Sarqulov.

Aıta keteıik, jyl basynan beri jaıaý júrginshilerdiń qatysýymen 164 jol-kólik oqıǵasy tirkeldi. Onda 11 adam kóz jumyp, 158-i jaraqat aldy.