Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede jol-kólik apatynan eki aılyq sábı shetinep ketti

2021 jyldyń 20 qyrkúıek 2021 20:21

AQTÓBE. QazAqparat – Aqtóbede birneshe kólik soqtyǵysyp, eki aılyq sábı alǵan jaraqatynan shetinen ketti, dep habarlaıdy QazAqparat tilshisi.

«LADA Priora» avtokóliginiń júrgizýshisi Aqtóbe qalasyndaǵy Keńes Nokın dańǵylymen júrip kele jatyp, qozǵalys baǵytyn ózgerter kezinde ózgege jol bermeı, «DaimlerChrysler 1117» kóligimen soqtyǵysty. Saldarynan «LADA Priora» avtokóligi qozǵalys baǵytyn ózgertip, «GAZel» avtokóligimen soqtyǵysqan. Al baǵytyn ózgertke «GAZel» kóligi «Vaz 2115» avtokóligine baryp soqtyqqan.

«Jol-kólik oqıǵasy saldarynan «LADA Priora» avtokóliginiń salonynda bolǵan eki aılyq sábı Aqtóbe qalasyndaǵy ortalyq balalar aýrýhanasyna jatqyzyldy. Ol keıin esin jımastan shetinep ketti.

Al 23 jastaǵy aqtóbelik jedel járdem aýrýhanasyna jetkizildi. Jol-kólik oqıǵasy boıynsha Qylmystyq kodekstiń «Abaısyzda adam ólimine ákep soqqan jol qozǵalysy erejesin buzý» babymen tergeý bastaldy.

Júrgizýshilerdiń kinásinen jol-kólik oqıǵalarynyń sany artyp keledi. Jol qozǵalysyn kúndelikti qadaǵalaý jáne jol qozǵalysy erejelerin óreskel buzý faktileriniń jolyn kesý maqsatynda óńirde reıdtik is – sharalar júrgizilip jatyr», - dep atap ótti PD bastyǵy Atyǵaı Arystanov.

Aıta keteıik, jyl basynan beri oblys joldarynda 384 jol-kólik oqıǵasy tirkeldi. Onda 70 adam qaza tapty, 508 adam jaraqat aldy.


Joǵary qaraı