Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede jol apatynan júrgizýshi men jolaýshy kóz jumdy

2021 jyldyń 19 qazan 2021 12:11

AQTÓBE. QazAqparat – Aqtóbede jeńil kólik júrgizýshisi jol jóndeý jumystary júrgizilip jatqan ýchaskede jumysshyny qaǵyp ketip, aýyr júk kóligimen soqtyǵysty. Saldarynan ózi jáne jolaýshy kóz jumdy, dep habarlaıdy QazAqparat tilshisi.

Oqıǵa 18 qazan kúni boldy. «Samara-Shymkent» tasjolynyń Áıteke bı aýdany, Qarabutaq aýyly mańynda «VAZ-2115» avtokóliginiń 30 jastaǵy júrgizýshisi jol jóndeý jumystaryn júrgizip jatqan aýmaqqa kirip ketken. Jyldamdyqty báseńdetpegen júrgizýshi sol jerde jumys istep júrgen 49 jastaǵy adamdy qaǵyp ketti.

«Keıin qarama-qarsy baǵytta turǵan «FAW» markaly avtokólikke soqtyǵysty. Jol-kólik oqıǵasy saldarynan «VAZ-2115» avtokóliginiń júrgizýshisi men jolaýshysy alǵan jaraqattarynan oqıǵa ornynda kóz jumdy. Ekinshi jolaýshy men jumysshy Áıteke bı aýdanynyń ortalyq aýrýhanasyna jetkizildi.Atalǵan derek boıynsha Qylmystyq kodekstiń «Abaısyzda eki nemese odan da kóp adamnyń ólimine ákep soqqan jol qozǵalysy erejelerin buzý» babymen sotqa deıingi tergep-tekserý bastaldy», - dedi oblystyq PD baspasóz qyzmetiniń jetekshisi Erbolat Sarqulov.


Joǵary qaraı